విక్రమ్ కుమార్, బన్నీ సినిమాకు నిర్మాత అతడే.. బన్నీతో నాలుగోసారి!

చివరకు విక్రమ్ కుమార్ వైపే

నా పేరు సూర్య చిత్రం నిరాశపరిచిన తరువాత పలువురు దర్శకులు వినిపించిన కథలని బన్నీ విన్నాడు. విక్రమ్ కుమార్ తో పాటు, శేఖర్ కమ్ముల, హరీష్ శంకర్, విఐ ఆనంద్ బన్నీకి కథ వినిపించినట్లు తెలుస్తోంది. చివరకు అల్లు అర్జున్ విక్రమ్ కుమార్ పైనే నమ్మకం ఉంచాడు.

తుది మెరుగులు

బన్నీ సూచించిన కొన్ని మార్పులతో విక్రమ్ కుమార్ ప్రస్తుతం కథకు తుది మెరుగులు దిద్దుతున్నట్లు తెలుస్తోంది. త్వరలోనే ఈ చిత్రం గురించి అధికారికంగా ప్రకటన చేయబోతున్నారు.

నిర్మాత అతడే

ఈ చిత్రాన్ని ప్రముఖ నిర్మాత డివివి దానయ్య నిర్మించబోతున్నట్లు తెలుస్తోంది. డివివి దానయ్య ఇటీవల వరుసగా బడా చిత్రాలని నిర్మిస్తున్నారు. ఆయన నిర్మించిన భరత్ అనే నేను సమ్మర్ లో సందడి చేసిన సంగతి తెలిసిందే. రాంచరణ్, బోయపాటి చిత్రాన్ని , రాజమౌళి మల్టీస్టారర్ చిత్రాన్ని నిర్మిస్తుంది కూడా ఆయనే.

బన్నీతో నాలుగోసారి

అల్లు అర్జున్ తో ఇప్పటికే దానయ్య మూడు చిత్రాలు నిర్మించారు. దేశముదురు, జులాయి, వరుడు చిత్రాలు ఆయన నిర్మాణంలో వచ్చినవే. నాలుగోసారి ఈ కాంబినేషన్ సిద్ధం అవుతోంది.