For Quick Alerts
    ALLOW NOTIFICATIONS  
    For Daily Alerts

    ఆనంద్ దేవరకొండ సరసన వర్ష.. ఈమె కొత్త నటి కాదు.. ఈ హీరోయిన్ గురించి తెలిస్తే..

    |

    టాలీవుడ్ సెన్సేషన్ విజయ్ దేవరకొండ తమ్ముడు ఆనంద్ ఇటీవల కేవీఆర్ మహేంద్ర తెరకెక్కించిన 'దొరసాని' ద్వారా సినీ రంగ ప్రవేశం చేసిన విషయం తెలిసిందే. ఈ సినిమా ప్రేక్షకుల మెప్పు పొందలేకపోయినప్పటికీ ఆనంద్ నటన పరంగా మంచి మార్కులే తెచ్చుకున్నాడు. ఇందులో అతడి నటన విమర్శలకును సైతం ఆకట్టుకుంది. మొదటి సినిమానే అయినా.. మెచ్యూరిటీతో నటించాడని చాలా మంది కొనియాడారు. ఈ ఉత్సాహంతోనే అతడు రెండో సినిమా చేయడానికి సన్నాహాలు చేసుకుంటున్నాడు.

    ఇందులో భాగంగానే ఆనంద్ దేవరకొండ భ‌వ్య క్రియేష‌న్స్ బ్యాన‌ర్‌పై ఓ సినిమా చేస్తున్న విషయం తెలిసిందే. ఈ సినిమా ద్వారా వినోద్ అనే నూతన దర్శకుడు తెలుగు చిత్ర సీమకు పరిచయం అవుతున్నాడట. దీనికి సంబంధించిన చర్చలు పూర్తయ్యాయని, త్వరలోనే అధికారికంగా షూటింగ్ ప్రారంభం కానుందని తెలుస్తోంది. ఈ నేపథ్యంలోనే ఆనంద్ రెండో సినిమాకు సంబంధించిన ఓ ఆసక్తికర విషయం బయటకు వచ్చింది.

    Anand Deverakonda Will Romance With Varsha Bollamma

    ఈ సినిమాలో ఆనంద్ సరసన వర్ష బొలమ్మ అనే హీరోయిన్ నటిస్తుందట. ఇప్పటికే దీనికి సంబంధించని చర్చలు కూడా జరిగిపోయాయని ఫిలింనగర్‌లో ఓ వార్త చక్కర్లు కొడుతోంది. ఈమె ప్రస్తుతం రాజ్ కందుకూరి కుమారుడు శివ చేస్తున్న సినిమాలో నటిస్తోంది. ఈ సినిమా విడుదల కాకముందే మరో అవకాశం పొందింది.

    పేరుకు కర్నాటకకు చెందిన అమ్మాయే అయినా.. వర్ష కన్నడంలో ఒక్క సినిమా కూడా చేయలేదు. ఇప్పటి వరకు తమిళంలో ఎక్కువ సినిమాలు చేసింది. ఆ తర్వాత మలయాళంలో మూడు సినిమాల్లో కనిపించింది. ఈ సినిమాతో తెలుగులో రెండోది అవుతుంది. విశేషమేంటంటే.. అట్లీ దర్శకత్వంలో ఇళయదళపతి విజయ్ నటిస్తున్న 'బిజిల్' సినిమాలోనూ వర్ష నటిస్తోంది.

    English summary
    Vijay Devarakonda's younger brother decided to become an actor and even his brother couldn't stop his decision. Vijay openly said that he did not like it and did not encourage it but Dorasani, Anand's first film released.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X