'ఆరెంజ్' చిత్రానికి భాస్కర్ కాకుండా మరో డైరక్టర్!?

రామ్ చరణ్ తేజ తాజా చిత్రం "ఆరెంజ్"కు భాస్కర్ దర్శకుడు అనే సంగతి తెలిసిందే. అయితే తాజాగా మరో వార్త బయిటకు వచ్చింది. ఈ చిత్రానికి ఆనంద్ రంగా కూడా పనిచేస్తున్నారు. సిద్దార్ధతో ఓయ్ చిత్రం డైరక్ట్ చేసిన ఆనంద్ రంగా ఈ చిత్రంలోని రెండు పాటల చిత్రీకరణ దగ్గరుండి చూసుకున్నారు. అలాగే కొంత ప్యాచ్ వర్క్ కూడా చేస్తున్నారు. భాస్కర్..పోస్ట్ ప్రొడక్షన్ వర్క్ ని ఇలా షేర్ చేసి త్వరగా పూర్తి చేయటానికి ప్లాన్ చేసుకున్నారు. ఇక ఈ చిత్రం నవంబర్ లో విడుదల కానుంది. దాంతో స్పీడుగా చిత్రం ఫినిష్ చేయటానికి ఈ నిర్ణయం తీసుకున్నట్లు తెలుస్తోంది. ఇక ఆనంద్ రంగా కు ఈ చిత్రం టైటిల్ కార్డులో ధాంక్స్ కార్డు వేస్తారు. అలాగే మంచి ఎమౌంట్ నే ముట్టచెప్తున్నట్లు తెలుస్తోంది. అలాగే ఆనంద్ రంగా తన తదుపరి ప్రాజెక్టు శూన్యం ని త్వరలోనే ప్రారంభించటానికి సన్నాహాలు చేస్తున్నట్లు సమాచారం.