రంగస్థలంలో అనసూయ పాత్ర ఇదేనట?: సుకుమార్ ఎలా చూపించబోతున్నారో తెలుసా!..

క్లారిటీ ఇచ్చిన అనసూయ:

రంగస్థలం సినిమాలో తనది అత్త పాత్ర కాదని ఇటీవలే క్లారిటీ ఇచ్చారు అనసూయ. ట్విట్టర్ చాట్‌లో ఓ అభిమాని.. 'రంగస్థలంలో మీరు అత్త పాత్ర చేస్తున్నారా?' అడిగిన ప్రశ్నకు బదులుగా 'నో' అని చెప్పేశారు అనసూయ.

'రంగమ్మత్త'గా అనసూయ:

తాజాగా తెర పైకి వచ్చిన ఊహాగానాల ప్రకారం రంగస్థలంలో అనసూయది అత్త పాత్రేనని అంటున్నారు. అయితే ఆమె రాంచరణ్ కు అత్తగా నటించడం లేదని, 'రంగమ్మత్త' అనే ఓ పాత్రలో నటించబోతుందని టాక్.

ఊరి సెంటిమెంట్..:

సాధారణంగా పల్లెటూళ్లలో ఒకరినొకరు వరుసలతో పిలుచుకోవడం అలవాటు. బాబాయి, మామ, అత్త.. ఇలా ప్రతీ ఒక్కరిని ఏదో పేరుతో పిలుస్తుంటారు. ఈ నేపథ్యంలోనే అనసూయ పాత్రను కూడా 'రంగమ్మత్త'గా తీర్చిదిద్దారట సుకుమార్.

అందరికీ తల్లో నాలుకగా ..:

పల్లెటూళ్లలో కొంతమంది ఉంటారు. అందరికీ తల్లో నాలుకగా మెదులుతూ కాస్త స్పెషల్ గా కనిపిస్తారు. ఇప్పుడు రంగస్థలంలో అనసూయ పోషించే పాత్ర కూడా అలాగే ఉంటుందని టాక్.

'రంగమ్మత్త' లాంటి క్యాచీ నేమ్ అయితే ఆ పాత్ర జనాలకు మరింత చేరువవుతుందని, అదీగాక రంగస్థలం టైటిల్‌కు దగ్గరగా ఉందని దర్శకుడు సుకుమార్ ఆ పేరునే ఎంచుకున్నట్లు తెలుస్తోంది.

ఇంతవరకు రివీల్ కాలేదు..:

రాంచరణ్ రంగస్థలానికి ఒకప్పటి మెగాస్టార్ సినిమాతో దగ్గరి ఛాయలు ఉంటాయని మొన్నీమధ్యే ఓ ప్రచారం జరిగింది. కానీ అందులో ఎటువంటి వాస్తవం లేదనేది ఇన్ సైడ్ టాక్. ఇప్పటికైతే కథకు సంబంధించి ఏ చిన్న క్లూ కూడా సుకుమార్ నుంచి రివీల్ కాలేదు.

నటనకు స్కోప్ ఉన్న సినిమా..:

పాత్ర లుక్‌ను చూస్తుంటేనే.. కచ్చితంగా రాంచరణ్ గత సినిమాలకు ఇది భిన్నంగా ఉండే సినిమా అని అర్థమవుతోంది. నటనకు మంచి స్కోప్ ఉన్న సినిమా కావడంతో.. ఇందులో గనుక రాంచరణ్ మెప్పించగలిగితే ఇక ఆయనకు తిరుగుండదనే చెప్పాలి.