అబ్బాయ్ డైరెక్టర్ తో బాలయ్య..వివి వినాయక్ నో.. దుమ్ము దుమారమే!

జైసింహాతో ఫుల్ జోష్ లో బాలయ్య

జై సింహా చిత్రం విజయం సాధించడంతో బాలయ్య మంచి జోరు మీద ఉన్నాడు. హుషారుగా తన తదుపరి చిత్రాన్ని ప్రారంభించేందుకు సిద్ధం అవుతున్నాడు.

ఎన్టీఆర్ బయోపిక్ ఎప్పుడు

బాలకృష్ణ ఎన్టీఆర్ బయోపిక్ చిత్రంలో నటించాల్సి ఉంది. తేజ ఈ చిత్రానికి దర్శకుడు. భారీ బడ్జెట్ తో ఈ చిత్రాన్ని రూపొందించడానికి ప్రయత్నాలు జరుగుతున్నాయి. కానీ ఈ చిత్ర రెగ్యులర్ షూట్ ఇంకా ప్రారంభం కాలేదు.

ఆలస్యమయ్యే అవకాశం

ఎన్టీఆర్ బయోపిక్ చిత్రం ఆలస్యం అయ్యే అవకాశాలు కనిపిస్తున్నాయి. తేజ వెంకటేష్ తో కూడా ఓ చిత్రానికి కమిటై ఉండడమే దీనికి కారణమని కొందరు అంటున్నారు. ఎన్టీఆర్ బయోపిక్ 2019 ఎన్నికల ముందు విడుదల చేయడమే టార్గెట్. దానికి ఇంకా టైం ఉండడంతోనే ఈ ఆలస్యం జరుగుతోందనేది కొందరి వాదన.

ఈ గ్యాప్ లో ఓ సినిమా

ఈ గ్యాప్ లో బాలయ్యతో ఓ సినిమా చేయాలని జై సింహా ప్రొడ్యూసర్ సి కళ్యాణ్ ప్రయత్నాలు మొదలుపెట్టినట్లు తెలుస్తోంది.

వివి వినాయక్ నో

సి కళ్యాణ్ బాలయ్యతో సినిమా కోసం దర్శకుడు వివి వినాయక్ ని సంప్రదించారట. కానీ తనకున్న ఇతర కమిట్మెంట్స్ వలన చేయలేనని చెప్పినట్లు వార్తలు వస్తున్నాయి.

అబ్బాయి డైరెక్టర్ వద్దకు

దీనితో సి కళ్యాణ్ పటాస్ చిత్ర దర్శకుడు అనిల్ రావిపూడిని సంప్రదించినట్లు తెలుస్తోంది. అనిల్ రావిపూడిని బాలయ్యతో సినిమా కోసం ఒప్పించే ప్రయత్నం జరుగుతోంది. ప్లాపుల్లో ఉన్న కళ్యాణ్ రామ్ కు పటాస్ చిత్రంతో అనిల్ సూపర్ హిట్ ఇచ్చాడు.

సూపర్ ఫామ్ లో డైరెక్టర్

అనిల్ రావిపూడి పటాస్, సుప్రీం మరియు రాజా ది గ్రేట్ చిత్రాలతో వరుసగా హిట్లు అందుకున్నాడు. ఇలాంటి దర్శకుడితో బాలయ్య సినిమా చేస్తే అదిరిపోవడం ఖాయం అని నందమూరి ఫాన్స్ ధీమా వ్యక్తం చేస్తున్నారు.