లారెన్స్ తో తాప్సీకి ...అంజలి ట్విస్ట్..

రీ ఎంట్రీ

సంచలన నటి అంజలి మళ్లీ కోలీవుడ్‌లో అడుగుపెట్టనుంది.'కట్రదు తమిళ్‌'లో జీవా సరసన నటించి మంచి పేరు తెచ్చుకున్న అంజలి 'అంగాడితెరు'తో తొలి విజయాన్ని అందుకుంది. ఆపై 'ఎంగేయుం ఎప్పోదుం' తదితర కొన్ని చిత్రాలతో అగ్రస్థానం వైపు అడుగులు వేసింది.

ఐటం సాంగ్ తో ...

అగ్ర స్ధానానికి ఎందుగుతున్న సమయంలో ఒక్కసారిగా వివాదాల్లో చిక్కుకుంది. తన పిన్ని, దర్శకుడు హింసిస్తున్నారని ఆరోపిస్తూ అజ్ఞాతంలోకి వెళ్లిపోయింది. తెలుగులో అవకాశాలు పెరగటంతో తమిళంలో నటించనని పేర్కొంది. అయితే సింగం సీక్వెల్ తో ఐటం సాంగ్ చేసి అక్కడ పరిశ్రమను మళ్లీ ఆకర్షించింది.

సాహసం

తాప్సీ పరిస్ధితి మొదటి నుంచి విచిత్రంగానే ఉంది. ప్లాప్ హీరోయిన్ గా ముద్రపడ్డా ఆఫర్స్ కు లోటు లేకుండా దూసుకుపోతోంది. అయితే ఈ మద్య ఆఫర్స్ క్షీణించాయి. తమిళంలోనూ ఆమెకు అంతంత మాత్రమైన ఆదరణ. ఈ నేపధ్యంలో ఆమెకు సాహసం రూపంలో హిట్టు వచ్చి పడింది. దాంతో ఆమెకు ధైర్యం వచ్చింది.

ట్విస్ట్ ఇలా..

అయితే సాహసం సక్సెస్ తాప్సీ కు వరస ఆఫర్స్ ఇవ్వలేకపోయింది. ఆ సినిమాలో ఆమెది గ్లామర్ రోల్ కాకపోవటం మైనస్ గా మారింది. పెద్ద సంస్ధలనుంచి ఆఫర్స్ వస్తాయనుకున్న నేపధ్యంలో ఇలా లారెన్స్ చిత్రంలో సైతం ట్విస్టు పడింది. ఇప్పుడు ఆమెకు అంజలి రూపంలో సమస్య ఎదురైంది

గంగ

గంగ టైటిల్ తో తెరకెక్కిస్తున్న లారెన్స్ చిత్రం బిజినెస్ పరంగా మంచి క్రేజ్ తెచ్చుకుంటోంది. అందులోనూ గత చిత్రాలు ముని,కాంచన మంచి హిట్ అవటంతో తాప్సీ,అంజలీ ఈ చిత్రంపై ఆశలు పెట్టుకున్నట్లు సమాచారం. లారెన్స్ సైతం మీ పాత్రలు స్పెషల్ గా డిజైన్ చేసానని ఇద్దరికీ చెప్పి ఒప్పించాడని చెప్పుకుంటున్నారు. ఈ చిత్రాన్ని బెల్లంకొండ సురేష్ నిర్మిస్తున్నారు.