ఇన్నాళ్లకు మరో ఛాన్స్.. ఈసారైనా అమ్మడికి కలిసి వచ్చేనా..?

ఒకే ఫ్లోలో అను కెరీర్..

నాని 'మజ్ను'తో తెలుగువారికి పరిచయమైన ఈ కేరళకుట్టి... తక్కువ కాలంలోనే క్రేజీ హీరోయిన్‌గా ఎదిగింది. ఆ తరువాత వరుస సినిమాలతో బిజీ అయిపోయింది. అవకాశాలు వచ్చినంత త్వరగా విజయాలు మాత్రం రాలేదు. దీంతో రేసులో వెనకబడిపోయింది.

స్టార్ హీరోల సినిమాల్లో..

పవన్ కళ్యాణ్, అల్లు అర్జున్ వంటి స్టార్స్ తో ఆడిపాడే ఛాన్సెస్ రావడంతో ఈ అమ్మడి దశ తిరిగిందని ఒకానొక దశలో మిగతా భామలు కుళ్లుకునే స్టేజ్‌కు ఎదిగింది. దీంతో అందరి దృష్టి కూడా అనుపై పడింది.

బోల్తా కొట్టిన బడా ప్రాజెక్ట్స్..

అజ్ఞాతవాసి, నా పేరు సూర్య వంటి ఆ చిత్రాలతో ఎక్కడికో వెళ్ళిపోతుందని భావించారు. అయితే, అనూహ్యంగా ఆ సినిమాలు బోల్తా కొట్టాయి. పెద్ద సినిమాలు హిట్ అయితే ఎంత పేరు వస్తుందో తెలీదు కానీ.. ఫట్ అయితే మాత్రం ఎవ్వరూ పట్టించుకోరు.

తాజాగా మరో చాన్స్..

చివరగా వచ్చిన శైలజా రెడ్డి కూడా వర్కౌట్ కాలేదు. అయితే తాజాగా ఈ సుందరికి మరో అవకాశం వచ్చినట్టు తెలుస్తోంది. బెల్లంకొండ సాయిశ్రీనివాస్ చిత్రంలో రెండో నాయికగా నటించే అవకాశం దక్కించుకుందట ఈ సుందరి. బెల్లంకొండ సాయిశ్రీనివాస్ హీరోగా 'కందిరీగ' ఫేమ్ సంతోష్ శ్రీనివాస్ రూపొందిస్తున్న కొత్త చిత్రంలో సెకండ్ హీరోయిన్ గా ఛాన్స్ పట్టేసిందీ భామ. ఇక ఇందులో మెయిన్ లీడ్ గా ఇప్పటికే నభా నటేశ్ కన్ ఫర్మ్ అయిందని టాక్.