చారిత్రిక పాత్రలో అనూష్క?

By Staff

Published: Saturday, March 7, 2009, 14:47 [IST]

అరుంధతి సూపర్ హిట్ అనంతరం అనూష్క ఏం పాత్ర చేస్తుందా అనేది అందరిలో అసక్తి కలుగుతోంది. ఆమె తాజాగా చరిత్రంలో చిరస్ధాయిలో నిలిచిన తరిగొండ వెంగమాంబ అనే వెంకటేశ్వర స్వామి భక్తురాలుపాత్రలో కనిపించనుందని విశ్వసనీయ సమాచారం. ప్రెసెడెంట్ గారి పెళ్ళాం, సీతారామయ్య గారి మనుమరాలు, అన్నమయ్య, సింహాద్రి వంటి సూపర్ హిట్స్ అందించిన వి.యం.సి బ్యానర్ వారు ఈ చిత్రాన్ని రూపొందించే పనిలో పడ్డారని సమాచారం. నాగార్జున..కి ఆ బ్యానర్ ఓనర్ దొరస్వామి రాజుగారుకి ఉన్న అనుబంధంతో అనూష్కని ఒప్పించారని తెలుస్తోంది.

మొదట ఈ పాత్రను తమ ఆస్ధాన నటీమణి మీనా చేతే చేయించాలని నిర్ణయించుకున్నారు. అయితే మీనా చేత ఇప్పటికే వారు తరిగొండ వెంగమాంబ సీరియల్ చేసి వెంకటేశ్వర భక్తి ఛానెల్ కు అందిస్తున్నారు. దాంతో టీవీలో చూసిన ఫేసుని తెరపై చూపెడితే ఎంతవరకూ ఆదరిస్తారన్నది ఓ ప్రశ్నగా మారింది. అందులోనూ ఈ చిత్రానికి వెంగమాంబ సీరియల్ డైరక్ట్ చేసిన ఉదయ్ భాస్కర్ డైరక్ట్ చేయనున్నారు. మరో ప్రక్క మీనా కూడా ఈ ప్రాజెక్టుపై పెద్ద ఆసక్తి చూపటం లేదు. ఎందుకంటే ఆమెకు పెళ్ళి సెటిల్ అయింది. ఏదైమైనా అరుంధతి అనంతరం..అనూష్క మళ్ళీ ఆ కాలం నాటి పాత్రను పోషించటం అభినందించతగ్గ విషయం.

More from Filmibeat