చిరు కొరటాల మూవీలో ఆ హీరోయిన్.. టెన్షన్ పడుతున్న మెగా ఫ్యాన్స్

కొరటాల చిత్రంలో ఇద్దరు..

మామూలుగా కొరటాల శివ చిత్రంలో సాధారణంగా ఇద్దరు హీరోయిన్స్ ఉంటారు. ఆయన దర్శకుడిగా కెరీర్ ప్రారంభించిన మిర్చి చిత్రంలో అనుష్క, రిచా ఉండగా..జనతా గ్యారెజ్‌లో సమంత, నిత్యా మీనన్ ఉన్న సంగతి తెలిసిందే. అయితే ఇందులో మహేష్ బాబుతో చేసిన సినిమాలకు మాత్రం మినహాయింపును వర్తించారు. శ్రీమంతుడు, భరత్ అనే నేను చిత్రంలో ఒక్క హీరోయిన్‌ మాత్రమే ఉంటుంది.

చిరు సినిమాలోనూ ఇద్దరు..

చిరంజీవితో తెరకెక్కించబోయే సినిమాలోనూ ఇద్దరు హీరోయిన్స్ ఉంటారని టాక్ వినిపిస్తోంది. అయితే ఓ హీరోయిన్‌గా త్రిషను ఫిక్స్ చేసేశారు. అయితే మరో హీరోయిన్‌కు కూడా స్కోప్ ఉందట. అందుకే ఇంకో స్టార్ హీరోయిన్ కోసం వేట ప్రారంభించారని తెలుస్తోంది.

అనుష్కకు చాన్స్..

చిరుతో ఇప్పటికే రెండు సార్లు జోడికట్టింది అనుష్క. స్టాలిన్ చిత్రంలో ఓ స్పెషల్ సాంగ్ చేయగా.. సైరా చిత్రంలో ఓ ముఖ్య పాత్రను పోషించింది. అయితే ఈ రెండు సినిమాలు అంతగా వర్కౌట్ కాలేదు. మరోసారి చిరుకు జోడిగా అనుష్క నటించబోతోందనే వార్తలు ఊపందుకున్నాయి.

Megastar Chiranjeevi's Decision Worrying Mega Fans ?

ఆందోళనలో ఫ్యాన్స్..

అయితే చిరంజీవి సినిమాలో అనుష్క కనబడితే ఫలితం తిరగబడుతోందని మెగా ఫ్యాన్స్ ఆందోళన పడుతున్నారు. మరోవైపు కొరటాల తెరకెక్కించిన సూపర్ హిట్ మూవీ మిర్చిలో అనుష్కనే నటించింది. మరి ఎవరి సెంటిమెంట్ వర్కౌట్ అవుతుందో చూడాలి.