Don't Miss!
- News barrelakka: వివాహ బంధంలోకి అడుగుపెట్టిన బర్రెలక్క
- Sports IPL 2024: అందుకే పృథ్వీ షా ఆడటం లేదు: సౌరవ్ గంగూలీ
- Lifestyle గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
అనూష్కకి అభిమాని ట్విస్ట్
అరుంధతి సూపర్ హిట్టుతో ఓ రేంజికి వెళ్ళి పోయిన అనూష్కని తాజాగా ఓ అభిమాని అదరకొట్టాడు. ఆ వివరాలు ఇలా ఉన్నాయి. తమిళ హీరో విజయ్ తో చేస్తున్న ఓ తమిళ చిత్రం షూటింగ్ నిమిత్తం అనూష్క రాజమండ్రిలో గత కొద్ది రోజులుగా ఉంది. ఆ రోజు రాజమండ్రి రైల్వై స్టేషన్ లో షాట్స్ తీస్తున్నారు. ఈలోగా అనూష్క వచ్చిందని తెలియగానే ఎక్కడెక్కడి అభిమానులు ఆమెను చుట్టముట్టారు. ఈలోగా ఓ వీరాభిమాని అందరినీ తోసుకుంటూ ముందుకొచ్చి ఆటోగ్రాఫ్ ఇవ్వమని కోరాడు. అయితే అనుష్క తనను కాదన్నట్లుగా అదేమీ పట్టనట్లు నడుచుకుంటూ వెళ్లిపోయిందట. అయినా వదలని ఆ అభిమాని అనుష్కను ఆటోగ్రాఫ్కోసం యూనిట్ సభ్యులు ఆపుతున్నా ఆగకుండా పదే పదే బతిమాలాడాడు.
అయినా ఆమె పట్టించుకుని ఆటోగ్రాఫ్ ఇవ్వకపోవడంతో మండిన ఆ అభిమాని, "ఎం అరుంథతి హిట్తో నీకు పొగరెక్కిందా...నీకు తెలియదేమో ఆ సినిమా నీ వల్ల హిట్ అవలేదు. అందులో విలన్ సోనూసూద్ వల్ల, సాయికుమార్ తమ్ముడు రవి వాయిస్ వల్ల హిట్ అయింద"ని అరుస్తూ చిందులేశాడు. దాంతో ఊహించని ఈ పరిణామానికి యూనిట్ సభ్యులు, అనూష్క అంతా షాక్ అయిపోయారు. అప్పుడు కొందరు అనూష్క శ్రేయాభిలాషులు పబ్లిక్లో చాలా జాగ్రత్తగా ఉండాలి మేడమ్ అని సర్ది చెప్పారు. దాంతో కాస్సేపటికి కూల్ అయిన ఆమె ఆ అభిమానిని పిలిపించమని పురమాయించింది. కానీ అప్పటికే ఆ అభిమాని గొణుక్కుంటూ అక్కడి నుంచి వెళ్లిపోయాడట. ఆ రోజంతా అదో హాట్ టాపిక్ అయిపోయింది అక్కడున్న వారికి. అదీ సంగతి.