మహేష్ ఖలేజా చిత్రంలో ఆమెకి అంత సీన్ లేదా

మహేష్, త్రివిక్రమ్ కాంబినేషన్ లో రెడీ అయిన ఖలేజా చిత్రంలో అర్చన అలియాస్ వేద చేస్తోంది. ఇప్పటికే ఫేడ్ అవుట్ అయిపోయిన ఆమె ఈ చిత్రం గురించి బయిట కొంచెం ఎక్కువగానే పబ్లిసిటీ ఇచ్చుకుంటోంది. అయితే అంతర్గత వర్గాల ద్వారా తెలిసే విషయం మాత్రం ఆమెకు ఆ సినిమాలో అంత సీన్ లేదని. జల్సా చిత్రంలో కమిలినీ ముఖర్జీకి క్యారెక్టర్ లాగానే అలా వచ్చి ఇలా వెళ్ళిపోయే పాత్ర అని చెప్పుకుంటున్నారు. అనూష్క హీరోయిన్ గా చేస్తున్న ఈ చిత్రంలో మహేష్ క్యాబ్ డ్రైవర్ గా చేస్తున్నాడు. ప్రకాష్ రాజ్ విలన్ గా చేస్తున్నాడు. ప్రకాష్ రాజ్, మహేష్ ల మద్య జరిగే క్లైమాక్స్ సన్నివేశాలు హైలెట్ గా నిలుస్తాయంటున్నారు. మణిశర్మ అందించిన పాటలు త్వరలోనే విడుదల చేస్తారు. ఈనెల 18 నుంచి బ్యాలెన్స్ ఉన్న రెండు పాటల్ని తెరకెక్కించి సెప్టెంబరులో ప్రేక్షకుల ముందుకు తీసుకొస్తామని నిర్మాత శింగనమల రమేష్ చెప్తున్నారు