అరవింద సమేత.. అబ్బాయ్ ఆడియో లాంచ్‌కు బాబాయ్ ?

అబ్బాయిలకు చేరువగా

తండ్రి మరణించిన దుఃఖంలో ఉన్న ఎన్టీఆర్, కళ్యాణ్ రామ్ కు బాలయ్య చేరువయ్యాడు.ఎన్టీఆర్, కళ్యాణ్ రామ్ తో ఆప్యాయంగా మాట్లాడుతూ వారితో కలసి భోజనం చేస్తున్న బాలయ్య వీడియో సోషల్ మీడియాలో వైరల్ అవుతోంది.

బలపడిన బంధం

హరికృష్ణ మరణంతో జరిగిన విషాదం ఎలాగు పూడ్చలేనిది. దీని ద్వారా కళ్యాణ్ రామ్, ఎన్టీఆర్.. బాలయ్య మధ్య బంధం బలపడిందని అంటున్నారు. నెట్ లో వైరల్ అవుతున్న ఈ వీడియోనే అందుకు ఉదాహరణ.

అరవింద సమేత

ఎన్టీఆర్ నటిస్తున్న అరవింద సమేత చిత్రం మేజర్ షూటింగ్ పూర్తయింది. త్రివిక్రమ్, ఎన్టీఆర్ కాంబోలో వస్తున్న తొలి చిత్రం కావడంతో భారీ అంచనాలు నెలకొన్నాయి. సెప్టెంబర్ లోనే అరవింద సమేత ఆడియో వేడుక జరగనుంది.

ముఖ్య అతిథిగా

ఈ ఆడియో వేడుకకు బాలయ్య చీఫ్ గెస్ట్ గా వచ్చే అవకాశాలు ఉన్నట్లు ఊహాగానాలు జోరందుకున్నాయి. ఇది కనుక జరిగితే నందమూరి అభిమానులకు పండగే. ఈ ఊహాగానాలతో వాస్తవం ఉందొ లేదో తెలియాలంటే చిత్ర యూనిట్ అధికారికంగా ప్రకటించాలి.