బోయపాటి - బాలయ్య సినిమా కథ లీక్: మొత్తం ఆ తొమ్మిదింటి చుట్టే తిరుగుతుందట.!

బాలయ్యకు భారీ పరాభవం.. నష్టాలు కూడా

నందమూరి బాలకృష్ణ గత ఏడాది దారుణంగా విఫలమయ్యారు. 2019లో ఆయన నటించిన మూడు చిత్రాలు (యన్.టి.ఆర్ బయోపిక్ రెండు భాగాలతో పాటు రూలర్) ప్రేక్షకుల ముందుకు వచ్చాయి. ఈ మూడు సినిమాలూ బాక్సాఫీస్ ముందు బోల్తా పడ్డాయి. అంతేకాదు, తన తండ్రి బయోపిక్‌కు నిర్మాతగానూ వ్యవహరించిన ఆయనకు నష్టాలు కూడా వచ్చాయి.

హ్యాట్రిక్ చేయడానికి రెడీ అవుతున్న జంట

‘సింహా', ‘లెజెండ్' వంటి సూపర్ హిట్ చిత్రాల తర్వాత బాలయ్య - బోయపాటి శ్రీను కాంబోలో సినిమా రాబోతుంది. వాస్తవానికి ఈ సినిమా ఎప్పుడో ప్రారంభం కావాల్సి ఉన్నప్పటికీ.. ఎందుకో కార్యరూపం దాల్చలేదు. దీనిని పక్కన పెట్టేసిన బాలయ్య.. కేఎస్ రవికుమార్ దర్శకత్వంలో ‘రూలర్' చేశాడు. ఇక, త్వరలోనే ఈ మూవీ రెగ్యూలర్ షూటింగ్ మొదలు కాబోతుంది.

ఆ సినిమా ఎఫెక్ట్.. కథలో మార్పులు షురూ

గత ఏడాది చివర్లో నందమూరి బాలయ్య నటించిన ‘రూలర్' సినిమా విడుదలైంది. ఇది ఘోర పరాజయాన్ని చవి చూసింది. దీంతో బోయపాటి తెరకెక్కించే సినిమా స్క్రిప్టులో మార్పులు చేస్తున్నారని ఇండస్ట్రీలో ప్రచారం జరుగుతోంది. దీనికితోడు, మేకింగ్ విషయంలోనూ బోయపాటి ఎన్నో జాగ్రత్తలు తీసుకోవాలని డిసైడ్ అయ్యాడని అంటున్నారు.

వాళ్ల విషయంలో నో క్లారిటీ.. రూమర్లకు నో బ్రేక్

ఈ సినిమాలో నటించే హీరోయిన్ విషయంలో మాత్రం ఇప్పటికీ క్లారిటీ రాలేదు. బాలయ్య సరసన నటించే హీరోయిన్ ఫిక్స్ అయిందంటూ కొద్ది రోజులుగా వార్తలు వస్తున్నప్పటికీ.. ఇప్పటికీ ఎవరూ ఫైనల్ కాలేదు. అలాగే, మిగిలిన నటీనటుల ఎంపిక విషయంలోనూ ఎన్నో ఊహాగానాలు ప్రచారం అవుతున్నాయి. దీంతో ఈ సినిమా తరచూ వార్తల్లోకి వస్తోంది.

బోయపాటి - బాలయ్య సినిమా కథ లీక్

తాజాగా ఈ సినిమా కథ గురించి ఓ న్యూస్ ఇండస్ట్రీలో హాట్ టాపిక్ అవుతోంది. దీని ప్రకారం.. ఈ సినిమా కథ లీక్ మొత్తం నవగ్రహాలు.. అవి మనుషులపై చూపించే ప్రభావం అనే లైన్‌తో తెరకెక్కబోతుందట. ఇందులో భాగంగానే బాలయ్య.. వారణాసిలో కనిపించే అఘోరాగా నటిస్తున్నాడని సమాచారం. ఆ లుక్ సినిమాకే హైలైట్‌గా నిలుస్తుందనే టాక్ వినిపిస్తోంది.