Vishwambhara చిరంజీవి కాంపౌండ్‌లోకి బాలయ్య హీరోయిన్... భలే ఛాన్స్ కొట్టేసిందే!

హనిరోజ్​ ఈ పేరు గురించి తెలుగు ప్రేక్షకులకు ప్రత్యేకంగా పరిచయం అక్కర్లేదు. నందమూరి నటసింహం బాలకృష్ణ నటించిన 'వీరసింహారెడ్డి'తో తెలుగులో మంచి గుర్తింపు తెచ్చుకుంది. ఈ చిత్రం బాక్సాఫీస్‌ వద్ద సూపర్‌ హిట్‌ అందుకుంది. ఈ చిత్రంలో ఆమె గ్లామర్​కు అందరూ ఫిదా అయ్యారు. అయితే ఆ సినిమా తర్వాత ఆమె మళ్లీ తెలుగు తెరపై కనిపించలేదు. దీంతో ఆమె కోసం చాలా కాలం తెలుగు ఆడియెన్స్​ ఎదురుచూసి విసిగిపోయారు కూడా. అయితే ఇప్పుడీ ముద్దుగుమ్మకు తెలుగులో ఓ సూపర్ ఆఫర్ వచ్చినట్లు తెలుస్తోంది. మెగాస్టార్ చిరంజీవితో కలిసి స్క్రీన్ షేర్​ చేసుకునే అవకాశం అందుకున్నట్లు సమాచారం అందుతోంది. వివరాల్లోకి వెళితే..

మాల్స్‌ ఓపెన్సింగ్స్​తో బిజీగా : హనిరోజు.. వీరసింహారెడ్డి వంటి సూపర్ హిట్​ తర్వాత తెలుగులో మరే చిత్రంలోనూ నటించలేదు. ఈ సినిమా రిలీజై ఏడాది దాటేసినా ఆమె ఇంకా అభిమానులకు టచ్​లోనే ఉంటోంది. సోషల్‌ మీడియాలో గ్లామర్​ను ఆరబోస్తూ భారీ ఫ్యాన్​ ఫాలోయింగ్​ను పెంచుకుంది. కేవలం మాల్స్‌ ఓపెన్సింగ్‌ లేదా ఇతర ఫంక్షన్లలోనే కనిపిస్తూ ఆ వేడుకలతోనే బిజీగా కనిపిస్తోంది. వాటికి సంబంధించి గ్లామర్ ఫొటోలను నెట్టింట్లో పోస్ట్ చేస్తూ ఆకట్టుకుంటోంది. అలా ఇన్‌స్టాగ్రామ్‌లో ఇప్పటికే 4.2 మిలియన్ల ఫాలోవర్స్​ను అందుకుంది.

పాన్ ఇండియా సినిమాలో : అయితే ఆ మధ్య మాత్రం రెండు సినిమాల్లో మాత్రం నటిస్తున్నట్లు అనౌన్స్ చేసింది హనీరోజ్​. రాచెల్, తెరీ మెరీ అనే చిత్రాల్లో నటిస్తోంది. అయితే అవి తెలుగులో డైరెక్ట్​గా తెరకెక్కట్లేదు. ఇందులో రాచెల్ మాత్రం పాన్​ ఇండియా రేంజ్​లో రానుంది. తెరీ మెరీలో లీడ్​ రోల్ చేస్తోంది. ఈ సినిమాలకు సంబంధించి కేవలం పోస్టర్స్ మాత్రమే రిలీజ్ అయ్యాయి. ఇతర అప్డేట్స్​ ఏమీ రాలేదు.

మెగాస్టార్​ సినిమాతో : ఇప్పుడు ఇంతకాలానికి తెలుగులో ఆమె ఓ సినిమాకు గ్రీన్ సిగ్నల్ ఇచ్చినట్లు తెలుస్తోంది. ఈ సారి కూడా సీనియర్‌ హీరోతో జతకట్టబోతున్నదని సమాచారం అందింది. మెగాస్టార్‌ సరసన నటించే లక్కీ ఛాన్స్‌ కొట్టేసిందని టాక్‌ వినిపిస్తోంది. ప్రస్తుతం మెగాస్టార్‌ 'విశ్వంభర' అనే సోషియో ఫాంటసీ చిత్రంలో హీరోగా నటిస్తున్నారు. బింబిసార దర్శకుడు వశిష్ఠ ఈ చిత్రానికి దర్శకత్వం వహిస్తున్నారు. రీసెంట్​గా షూటింగ్‌ కూడా మొదలైంది. విజువల్‌ వండర్‌గా రూపొందనున్న ఈ సినిమాకు సంబంధించి ఇప్పటికే ప్రీ లుక్ పోస్టర్స్ రిలీజై ఆకట్టుకున్నాయి.

ఈ చిత్రంలో ముగ్గురు హీరోయిన్లు నటిస్తారని మొదటి నుంచి టాక్ వినిపిస్తోంది. ఇప్పటికే అనుష్క, నయనతార, కాజల్​, మృణాల్ ఠాకూర్​ పేర్లు వినిపించగా ఇప్పుడు హనిరోజ్ పేరు వినిపిస్తోంది. చర్చలు జరుగుతున్నాయని బయట కథనాలు వస్తున్నాయి. మరి ఇందులో నిజమెంతో తెలియాలంటే అఫీషియల్ అనౌన్స్​మెంట్​ వచ్చేవరకు వేచి ఉండాల్సిందే..