బాలకృష్ణ, కృష్ణవంశీ చిత్రం టైటిల్ అదా?

బాలకృష్ణ..'సింహా' హిట్ అవటంతో అందరి దర్శకుల దృష్టి ఆయనపై పడిన సంగతి తెలిసిందే. అయితే పూరీ జగన్నాధ్ తో బాలయ్య సినిమా మొదట అనుకున్నా కథ కుదరక ఆగటంతో ఆ స్లాట్ లోకి కృష్ణ వంశీ వచ్చి చేరారని తెలుస్తోంది. బెల్లంకొండ సురేష్ నిర్మించే ఈ చిత్రంకి టైటిల్ 'భీష్మ' అని నిర్ణయించారని చెప్తున్నారు. ఆ టైటిల్ తో ఇంతకుముందు రమేష్ వర్మ..బాలయ్య కాంబినేషన్ లో బెల్లంకొండ 'భీష్మ' టైటిల్ తో చిత్రం ప్రారంభించారు. అయితే ఆ కథ నచ్చక బాలకృష్ణ రిజెక్టు చేయటంతో ఆ ప్రాజెక్టు ఆగిపోయింది. అయితే అప్పుడు తన బ్యానర్ పై రిజిస్టర్ చేసిన ఆ టైటిల్ తో బెల్లంకొండ కృష్ణవంశీనితెచ్చి ముందుకు నెట్టనున్నట్లు సమాచారం. అయితే ఈ చిత్రం పరమవీర చక్ర అనంతరం ఉంటుందని వినిపిస్తోంది. మరో ప్రక్క మెహర్ రమేష్ దర్శకత్వంలోనూ నటించటానికి బాలయ్య కమిటయ్యన సంగతి తెలిసిందే.