Don't Miss!
- Sports సారీ బ్రదర్.. కావాలని కొట్టలేదు - పంత్ ఎమోషనల్ Video
- Finance Nestle India: అదిరిపోయే లాభాలు ప్రకటించిన నెస్లే ఇండియా..
- News రాయలసీమలో టీడీపీకి బిగ్ షాక్ .. వైసీపీలోకి కీలక నేత
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Lifestyle వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బాలయ్యతో హ్యాట్రిక్ కాంబో సెట్ చేస్తున్న సీనియర్ నిర్మాత
సినిమా ఇండస్ట్రీలో సెంటిమెంట్స్ ఏ రేంజ్ లో ఉంటాయో స్పెషల్ గా చెప్పనవసరం లేదు. ఒక్క సినిమా హిట్టయిన డైరెక్టర్ హీరో కాంబోను కలిపేందుకు నిర్మాతలు చాలా ఆతృతగా ఎదురుచూస్తుంటారు. ముఖ్యంగా స్టార్ హీరోలు హిట్టు కొట్టడానికి ఇది రొటీన్ ఫార్ములా అని చెప్పవచ్చు. అయితే మధ్యలో డిజాస్టర్ వచ్చినా కూడా కొందరు పెద్దగా లెక్క చేయడం లేదు. త్వరలో ఒక సీనియర్ నిర్మాత కూడా బాలయ్య బాబుతో ఒక హ్యాట్రిక్ కాంబో సెట్ చేయాలని చూస్తున్నాడు.
ఆ నిర్మాత మరెవరో కాదు. బాలకృష్ణతో జై సింహా, రూలర్ వంటి కమర్షియల్ సినిమాలను నిర్మించిన సి.కళ్యాణ్. సీనియర్ కోలీవుడ్ డైరెక్టర్ కెఎస్.రవికుమార్ దర్శకత్వంలో తెరకెక్కిన ఆ సినిమాలో జై సింహా హిట్టవ్వగా రూలర్ డిజాస్టర్ గా నిలిచింది. అయితే ఈ సారి ఎలాగైనా మరో మంచి కథతో హిట్ కొట్టాలని ఈ కాంబోను సెట్ చేసేందుకు సి.కళ్యాణ్ ప్రయత్నాలు చేస్తున్నట్లు సమాచారం. ప్రస్తుతం బాలకృష్ణ బోయపాటి దర్శకత్వంలో ఒక సినిమా చేస్తున్న విషయం తెలిసిందే. ఆ సినిమాను మిర్యాల రవీందర్ నిర్మిస్తున్నారు.
బోయపాటితో సినిమాను పూర్తి చేసిన తరువాత బాలయ్య ఎవరితో వర్క్ చేస్తాడు అనేది ఇంకా ఫిక్స్ అవ్వలేదు. నిర్మాతలు దర్శకులు రెడీగా ఉన్నప్పటికీ కథలు అంతగా నచ్చకపోవడంతో బాలయ్య ధైర్యంగా గ్రీన్ సిగ్నల్ ఇవ్వలేకపోతున్నారు. ఇక మంచి కమర్షియల్ కథతో మేప్పిస్తే ఒప్పుకునే ఛాన్స్ ఉందని సి.కళ్యాణ్ ఇటీవల కెఎస్.రవికుమార్ తో చర్చలు జరిపినట్లు సమాచారం. సినిమా స్క్రిప్ట్ ఆల్ మోస్ట్ ఫినిష్ అయినట్లు టాక్ వస్తోంది. మరి బాలయ్య గ్రీన్ సిగ్నల్ ఇస్తాడో లేదో చూడాలి మరి.