సైరా షూటింగ్ స్పాట్‌లో బాలయ్య.. అందరికి ఆశ్చర్యం!

చారిత్రాత్మక నేపథ్యం

సైరా చిత్రానికి చారిత్రాత్మక నేపథ్యం ఉండడం అందరి దృష్టిని ఆకర్షించగలుగుతోంది. సైరా చిత్రం గురించి అభిమానులతో పాటు టాలీవడ్ వర్గాలు కూడా ఆసక్తిగా ఎదురుచూస్తున్నాయి.

ఆశ్చర్యపరిచిన బాలయ్య

సైరా చిత్ర షూటింగ్ ప్రస్తుతం హైదరాబాద్ లోనే జరుగుతోంది. ఈ చిత్ర సెట్స్ కు బాలయ్య ఇటీవల వెళ్ళాడట. బాలయ్య సర్ ప్రైజ్ విజిట్ కు సంబంధించిన ఫొటోలు బయటకు రాలేదు కానీ ఈ వార్త వైరల్ లా వ్యాపించింది. బాలయ్య రాకతో సెట్ లో చిత్ర యూనిట్ మొత్తం ఆశ్చర్యంలో మునిపోయారట.

చిరుతో కలసి

మెగాస్టార్ చిరంజీవితో కలసి బాలయ్య చాలా సేపు ముచ్చటించినట్లు తెలుస్తోంది. సినిమా బాగా రావాలని బాలయ్య ఆకాంక్షించినట్లు తెలుస్తోంది. టాలీవడ్ లో అగ్ర నటులుగా ఉన్న వీరిద్దరూ మంచి మిత్రులు కూడా.

శాతకర్ణి సమయంలో

చారిత్రాత్మక నేపథ్యం ఉన్న గౌతమిపుత్ర శాతకర్ణి చిత్ర ప్రారంభోత్సవానికి కూడా చిరంజీవి హాజరై బాలయ్యకు శుభాకాంక్షలు తెలియజేసిన సంగతి తెలిసిందే. 2017 సంక్రాంతికి బాలయ్య నటించిన గౌతమి పుత్ర శాతకర్ణి, చిరంజీవి ఖైదీ నెం 150 చిత్రాలు విడుదలయ్యాయి. రెండు చిత్రాలు మంచి విజయం సాధించాయి.

ప్రతిష్టాత్మకంగా

ప్రస్తుతం బాలయ్య ఎన్టీఆర్ బయోపిక్ చిత్రంతో బిజీగా ఉన్నాడు. చిరంజీవి సైరా చిత్రంలో నటిస్తున్నాడు. ఈ రెండు చిత్రాల కోసం అభిమానులు ఆసక్తిగా ఎదురుచూస్తున్నారు. 2019 లో ఎన్టీఆర్ బయోపిక్, సైరా ప్రేక్షకుల ముందుకు రానున్నాయి.