Don't Miss!
- News చంద్రబాబు బెయిల్ రద్దు పిటీషన్ విచారించిన సుప్రీంకోర్టు
- Sports మ్యాచ్ మధ్యలో స్మోకింగ్..దొరికిపోయిన పాక్ క్రికెటర్ Video
- Technology Ai వీడియో కంటెంట్ ను గుర్తించడానికి Youtube కొత్త టూల్! ఎలా పనిచేస్తుంది?
- Travel ఐఆర్సీటీసీ VIZAG - ARAKU HOLIDAY PACKAGE మార్చి 22 నుంచే..
- Automobiles వయసు కేవలం నెంబర్ మాత్రమే!.. ఎందుకో వీడియో చూస్తే తెలుస్తుంది
- Finance Gold Loan: గోల్డ్లోన్స్ తీసుకున్నోళ్లకి హెచ్చరిక..! ఇవి తప్పక తెలుసుకోండి..
- Lifestyle సంపూర్ణ సూర్యగ్రహణం 2024: అమెరికాలోని వందలాది పాఠశాలలకు సెలవు, ఎందుకో తెలుసా?ఆరోజు ఏం జరుగుతుందో తెలుసా
మొత్తం తీసేసినా ఫీలయ్యేవాడిని కాదంటూ.. దర్శకుడిపై బండ్ల గణేష్ ఫైర్
క్యారెక్టర్ ఆర్టిస్ట్గా సినీ ప్రయాణం మొదలుపెట్టి.. హాస్య నటుడిగా ఎదిగి.. బడా ప్రొడ్యూసర్గా కొత్త అవతారమెత్తి స్టార్ హీరోలతో సినిమాలను నిర్మించాడు బండ్ల గణేష్. అక్కడి వరకు ఆయన పరిస్థితి, స్థితి అంతా బాగానే ఉంది. గత అసెంబ్లీ ఎన్నికల్లో కాంగ్రెస్ పార్టీ తరుపున ప్రచారం చేయడం, టీఆర్ఎస్ పార్టీపై విమర్శలు చేయడం, గొప్పలకపోయి మీడియా ముందే రెచ్చిపోవడం, గొంతు కోసుకుంటానని చెప్పడం లాంటి ఘటనలతో బండ్ల గణేష్ ఫుల్ ఫేమస్ అయ్యాడు.
గ్యాప్ తరువాత సినిమాల్లో..
రాజకీయాల్లో దిగిన బండ్ల గణేష్కు పెద్ద షాకే తగిలింది. అన్నీ వదిలేసి తన మానాన తాను వ్యాపారాలు చేసుకుంటూ ఉంటే పట్టుబట్టి మరి సినిమాల్లో రీ ఎంట్రీ ఇచ్చేలా చేశాడు అనిల్ రావిపూడి. తన క్యారెక్టర్ అద్భుతంగా ఉంటుందని ఆకాశానికెత్తేశారు. అయితే తీరా చూస్తే పరిస్థితి తారుమారైంది.
తేలిపోయిన పాత్ర..
సరిలేరు నీకెవ్వరు సినిమా చూసిన వారెవ్వరైనా.. బండ్ల గణేష్ ఇలాంటి పాత్ర ఎందుకు చేశాడా? అని అనుకుంటారు. మరీ అంత తక్కువ నిడివి ఉండటం, పోనీ అది కూడా పూర్తి స్థాయిలో హ్యాస్యాన్ని పండించకపోవడంతో బండ్ల గణేష్కు ఎదురుదెబ్బ తగిలింది.
బంధువుల ప్రశ్నలు..
సరిలేరు సినిమాలో బండ్ల పాత్ర చాలా దారుణంగా వుందన్న కామెంట్లు అన్ని చోట్లా వినిపించాయి. దీంతో బండ్లగణేష్ చాలా డీలా పడిపోయినట్టు తెలుస్తోంది. ముఖ్యంగా చుట్టాలు, స్నేహితులు ప్రతి ఒక్కరూ ఆ క్యారెక్టర్ చూసి కామెంట్లు చేస్తున్నారట.
Recommended Video
డైరెక్టర్పై ఫైర్..
ఈ ఘటనలతో ఫ్రస్టేట్ అయిన బండ్ల గణేష్ .. దర్శకుడు అనిల్ రావిపూడి మీద అగ్గిమీద గుగ్గిలమవుతున్నాడట. అంతే కాదు అనిల్ రావిపూడి మీద నానా శాపనార్థాలు కూడా పెడుతున్నాడట. అనిల్ రావిపూడి చేసిన పని వల్ల తన పరువుపోయిందని, అమ్మ నాన్నల దగ్గర, అన్న, బంధువుల దగ్గర కూడా తలెత్తుకోకుండా చేసాడని బండ్ల వాపోతున్నాడట. తొంభైశాతం క్యారెక్టర్ను తీసేసే ఉద్దేశం వున్నపుడు, మొత్తం తీసేసినా తాను బాధపడేవాడిని కాదని అందరి దగ్గర చెప్పుకుని బాధ పడుతున్నాడట.