Click it and Unblock the Notifications
కొత్త పిల్లతో విజయ్ దేవరకొండ రొమాన్స్.. ఆమె కావాలనే తప్పుకుందా?
'పెళ్లి చూపులు' అనే సినిమాతో హీరోగా పరిచయమై.. టాలీవుడ్లో హీరోగా గ్రాండ్ ఎంట్రీని సొంతం చేసుకున్నాడు క్రేజీ గాయ్ విజయ్ దేవరకొండ. ఆ తర్వాత కూడా వరుసగా హిట్లు మీద హిట్లు కొట్టి తన మార్కెట్ను భారీగా పెంచుకున్నాడు. అయితే, ఈ మధ్య కాలంలో మాత్రం విజయ్ హిట్ వాసన చూడలేదు. అయినా వరుసగా సినిమాల మీద సినిమాలు చేస్తూనే ఉన్నాడు.
విజయ్ దేవరకొండ ఇటీవలే 'ది ఫ్యామిలీ స్టార్' అనే సినిమాతో ప్రేక్షకుల ముందుకు వచ్చాడు. ఈ చిత్రం బాక్సాఫీస్ వద్ద వసూళ్ల కోసం పోరాటం చేస్తోంది. ఈ పరిస్థితుల్లో ఈ యంగ్ హీరో తన తదుపరి సినిమాపై ఫోకస్ చేస్తున్నాడు. వాస్తవానికి ఈ యంగ్ హీరో తన 12వ సినిమాను 'జెర్సీ' ఫేం గౌతమ్ తిన్ననూరితో చేస్తున్నట్లు ప్రకటించాడు. ఇప్పుడు దీన్ని మొదలుపెట్టనున్నాడు.
గౌతమ్ తిన్ననూరితో విజయ్ దేవరకొండ చేసే సినిమాకు సంబంధించి ఓ ఫస్ట్ లుక్ పోస్టర్ను కూడా విడుదల చేశారు. ఇందులో పోలీస్ యూనిఫామ్లో ఓ వ్యక్తి ముఖానికి ముసుగు ధరించి ఉండటం ఆసక్తిని రేకెత్తించింది. అలాగే, నేను ఎక్కడివాడినో, ఎవరిని మోసం చేశాను తెలియదు అంటూ పోస్టర్పై రాశారు. అలాగే, బ్యాగ్రౌండ్ కూడా ఆకట్టుకునే విధంగా తీర్చిదిద్దారు.
విభిన్నమైన కాంబినేషన్లో ఎంతో ప్రతిష్టాత్మకంగా రాబోతున్న ఈ సినిమాలో విజయ్ దేవరకొండ సరసన నటించే హీరోయిన్ గురించి ఎన్నో రకాల ప్రచారాలు జరిగాయి. ఈ క్రమంలోనే ఎంతో మంది బాలీవుడ్, టాలీవుడ్ భామల పేర్లు తెరపైకి వచ్చాయి. అయితే, ఇందులో విజయ్ దేవరకొండకు జోడీగా సెన్సేషనల్ హీరోయిన్ శ్రీలీలను తీసుకున్నారు.
విజయ్ దేవరకొండ - గౌతమ్ తిన్ననూరి కాంబోలో రాబోయే ఈ చిత్రం నుంచి శ్రీలీల తప్పుకున్నట్లు ఎప్పటి నుంచో వార్తలు వస్తున్నాయి. తాజా సమాచారం ప్రకారం.. ఆమె నిజంగానే ఈ చిత్రం నుంచి బయటకు వచ్చేసిందట. ఇప్పుడు ఇందులో విజయ్కు జోడీగా భాగ్యశ్రీ బోర్సేను ఫైనల్ చేశారని తెలిసింది. ఈ విషయాన్ని చిత్ర యూనిట్ త్వరలోనే అధికారికంగా ప్రకటిస్తుందని టాక్.
ఇదిలా ఉండగా.. స్పై థ్రిల్లర్ జోనర్లో రాబోతున్న ఈ సినిమాను సితార ఎంటర్టైన్మెంట్స్ , ఫార్ఛ్యూన్ ఫోర్ పతాకాలపై నాగవంశీ , సాయి సౌజన్య నిర్మిస్తున్నారు. అలాగే, ఈ చిత్రానికి కోలీవుడ్ సెన్సేషన్ అనిరుథ్ రవిచందర్ సంగీతాన్ని అందించబోతున్నాడు. మొత్తానికి ఈ చిత్రంపై అంచనాలు తారాస్థాయిలోనే ఉన్నాయని చెప్పుకోవచ్చు.
Continue with Google