బిగ్​బాస్​ బ్యూటీని పెళ్లి చేసుకున్న నటుడు పవన్ కల్యాణ్... ఇప్పుడిదే హాట్ టాపిక్​!

అదేంటి టైటిల్ చూసి ఒక్కసారి స్టన్ అయ్యారా? మీరు చదివిన పేరు నిజమే కానీ మనిషి మాత్రం ఆయన కాదు. ఇండస్ట్రీలోనే ఉండే మరో నటుడు పవన్ కల్యాణ్ ఈ పెళ్లి పీటలెక్కింది. బిగ్​​​​ బాస్​​​​ తెలుగు సీజన్​​ 6తో పాపులర్​​ అయిన వారిలో ముద్దుగుమ్మ వాసంతి కృష్ణన్ ఒకరు. పలు సీరియల్స్​లో కూడా నటించి ప్రేక్షకులను ఆకట్టుకున్నారు. తాజాగా ఈమెనే తన ప్రియుడు పవన్​ను పెళ్లి చేసుకున్నారు. ఇంతకీ ఆ మరో నటుడు పవన్ కల్యామ్ ఎవరబ్బా? అని అనుకుంటున్నారా? అతడు కూడా రెండు మూడు సినిమాల్లో నటించాడు. పూర్తి వివరాలు స్టోరీలోకి వెళ్లి తెలుసుకుందాం..

ప్రస్తుతం సినీ పరిశ్రమలో పెళ్లిళ్ల సీజన్​ నడుస్తోంది. చిత్ర పరిశ్రమకు చెందిన పలువురు నటీ నటులు తమ బ్యాచిలర్ లైఫ్​కు గుడ్​బై చెప్పేసి పెళ్లి పీటలెక్కేస్తున్నారు. కొందరు తాను ప్రేమించిన వ్యక్తులతో ఈ మూడు ముళ్ల బంధంలోకి అడుగుపెడుతుంటే మరికొందరేమో అరేంజ్డ్ మ్యారేజ్ చేసుకుని ఒక్కటవుతున్నారు. అలా తాజాగా మరో నటి కూడా తాను ప్రేమించిన వ్యక్తిని పెళ్లి చేసుకుంది సర్​ప్రైజ్ ఇచ్చింది. తనే బిగ్​ బాస్ వాసంతి కృష్ణన్​.

బిగ్ బాస్ తెలుగు సీజన్ 6తో పాపులారిటీ తెచ్చుకున్న వారిలో వాసంతి కృష్ణన్ ఒకరు. ఈమె ప్రస్తుతం సీరియల్స్‌తో పాటు సినిమాల్లోనూ నటిస్తోంది. సిరిసిరి మువ్వలు ధారావాహికతో బుల్లితెరపై ఎంట్రీ ఇచ్చిన ఈమె ఆ తర్వాత గోరింటాక్, గుప్పెడంత మనసు సీరియల్స్​లో నటించి మంచి గుర్తింపు సాధించింది. కాలీఫ్లవర్, మనే నం.67, భువన విజయం, సీఎస్ఐ సనాతన్ లాంటి పలు చిత్రాల్లోనూ క్యారెక్టర్ ఆర్టిస్ట్​గా నటించి మెప్పించింది. తెలుగుతో పాటు కన్నడలోనూ పలు సినిమాలు చేసింది.

ఈ క్రమంలోనే వాసంతి తన ఫ్యామిలీ ఫ్రెండ్ అయిన పవన్ కల్యాణ్‌తో ప్రేమలో పడింది. గతేడాది ఈ విషయాన్ని తెలిపింది. అలా 2023 డిసెంబరులో ఈ జంట కుటుంబసభ్యుల సమక్షంలో నిశ్చితార్థం చేసుకున్నారు. ఈ మధ్యే ఓ యూట్యూబ్ ఛానెల్ ఇంటర్వ్యూలోనూ
పాల్గొని అందరి ముందే ఈ జంట ముద్దు పెట్టుకుని అందరినీ షాక్​కు గురిచేశారు. ఇకపోతే పవన్ కూడా నటుడే కావడం విశేషం. అతడు హీరోగా రెండు సినిమాలు చేస్తున్నాడని తెలిసింది. అయితే వాటికి సంబంధించిన పూర్తి వివరాలు తెలీదు.

అయితే తాజాగా ఈ పవన్​ - వాసంతి జంట మూడుముళ్ల బంధంతో ఒక్కటయ్యారు. గ్రాండ్​గా వీరి పెళ్లి జరిగింది. తిరుపతిలో బంధుమిత్రులు, ఇరు కుటుంబ సభ్యుల సమక్షంలో వీరు పెళ్లి చేసుకున్నారు. ఈ పెళ్లికి కొంతమంది బిగ్‍‌బాస్, సీరియల్ నటులు కూడా హాజరయ్యారని సమాచారం అందింది. ప్రస్తుతం ఈ జంటకు సంబంధించిన పెళ్లి ఫొటోలు సోషల్ మీడియాలో చక్కర్లు కొడుతున్నాయి. అభిమానులు, నెటిజన్లు ఈ నూతన వధూవరులిద్దరికి శుభాకాంక్షలు చెపుతున్నారు. వారి పెళ్లి ఫొటోలను ట్రెండ్ చేస్తూ షేర్ చేస్తున్నారు.