'మనోహరం'కి మరో కాపీనా?

ఎత్తిపోతల పథకాలు తెలుగు పరిశ్రమకు కొత్తేం కాదు.అయితే ఇంతకు ముందు వచ్చిన సినిమాలనే టైటిల్స్ మార్చి హిట్టుకొట్టడమూ అప్పుడప్పుడూ చూస్తూ షాకవుతూండటం తెలుగు ప్రేక్షకుడికి అనుభవమే. గతంలో ఎమ్.ఎస్ .రాజు గారి సినిమాలు (వర్షం-టుటౌన్ రౌడీ,నువ్వొస్తానంటే నే వద్దంటానా -రాముడొచ్చాడు,ఆట-గుడుంబాశంకర్)లలో ఇలా జరిగేది. ఇక ఇప్పుడు రాజీవ్ కనకాల,సింధు తులాజీ జంటగా వస్తున్న బ్లాక్ అండ్ వైట్ సినిమా జగపతి బాబు-లయ జంటగా చేసిన మనోహరం ని పూర్తి స్ధాయిలో కాపీ చేస్తూ ఈ చిత్రం రూపొందుతోందనే వార్తలు వినపడుతున్నాయి. అసలు మనోహరం చిత్రం ఇన్నోసెంట్ మేన్ అనే సినిమాను కాపీ చేస్తూ వచ్చింది. షాక్ సినిమా కూడా ఈ సినిమా నుండి ప్రేరణ పొందినదే కావటం విశేషం. ఇక బ్లాక్ అండ్ వైట్ లో సింధు తులానీ తన భర్తను టెర్రరిస్తుగా అనుమానించి పోలీసులు ఎత్తుకుపోతే ఆమె ఎదిరించి నిలబడి రక్షించుకుంటుందిట. రోజా చిత్రం కూడా ఇదే లైన్స్ లో నడుస్తుంది.