Spirit: ప్రభాస్‌ సరసన మరో హాట్ బాలీవుడ్ బ్యూటీ? సందీప్ రెడ్డి మైండ్ బ్లోయింగ్ ప్లాన్!

పాన్ ఇండియా స్టార్ ప్రభాస్ - బ్లాక్‌బస్టర్ దర్శకుడు సందీప్ రెడ్డి వంగా కాంబినేషన్‌లో రూపొందుతోన్న అత్యంత ప్రతిష్టాత్మక మూవీ స్పిరిట్ ( Spirit). ఇటీవల హైదరాబాద్‌లో జరిగిన గ్రాండ్ ముహూర్తం వేడుకలో మెగాస్టార్ చిరంజీవి తొలి క్లాప్ కొట్టగా ప్రారంభించారు. సెట్‌లపైకి దూసుకెళ్లిన వెంటనే ఒక్కో సెన్సేషన్ సృష్టిస్తోంది. ఈ సినిమా యాక్షన్-ఎమోషన్‌ మేళవింపుతో పాన్ వరల్డ్ స్థాయిలో తెరకెక్కుతోంది. ఇప్పటికే నటీనటుల జాబితాలో త్రుప్తి దిమ్రి, వివేక్ ఒబెరాయ్, ప్రకాశ్ రాజ్, శ్రీకాంత్ వంటి పేర్లు చర్చలో ఉండగా... తాజాగా మరో భారీ అప్‌డేట్ అభిమానుల్లో కొత్త జోష్ ను తీసుకవచ్చింది. ఈ మూవీలో బాలీవుడ్ బ్యూటీ భాగం కాబోతుంది. ఇంతకీ ఆ హీరోయిన ఎవరు?

'అర్జున్ రెడ్డి, కబీర్ సింగ్, యానిమల్' లతో ఎమోషన్‌ను యాక్షన్‌తో మేళవించే తన ప్రత్యేక నారేషన్‌కి పేరుపొందిన దర్శకుడు సందీప్ రెడ్డి వంగా, 'స్పిరిట్'లో మాత్రం పూర్తిగా కొత్త కాన్వాస్‌ను ఎంచుకున్నట్లు తెలుస్తోంది. ప్రభాస్ తన కెరీర్‌లో మొదటిసారి పవర్‌ఫుల్ పోలీస్ ఆఫీసర్ పాత్రలో కనిపించబోతున్నాడని ఇండస్ట్రీ టాక్. ఈ క్యారెక్టర్ కోసం దర్శకుడు సందీప్ రెడ్డి వంగా ప్రత్యేకంగా రూపొందించిన కథనం రాసుకున్నట్టు తెలుస్తోంది. యాక్షన్, మాస్ ఎలిమెంట్స్‌ను మాత్రమే కాకుండా, హీరో వ్యక్తిత్వంలో దాగి ఉన్న ఎమోషన్‌లను కూడా హైలైట్ చేసే విధంగా కథ సాగనుందని సమాచారం.

భారీ స్థాయిలో తెరకెక్కుతున్న ఈ ప్రాజెక్ట్‌ను టీ-సిరీస్, భద్రకాళి పిక్చర్స్ సంయుక్తంగా నిర్మిస్తున్నారు. దేశవ్యాప్తంగా ఉన్న ప్రేక్షకులకే కాదు, ప్రపంచవ్యాప్త ఫ్యాన్ బేస్‌ను దృష్టిలో పెట్టుకుని, ఐదు ప్రధాన భారతీయ భాషల్లో ఈ చిత్రాన్ని విడుదల చేయాలనే ప్రయత్నం జరుగుతోంది. సంగీత బాధ్యతలు 'యానిమల్' ఫేమ్ హర్షవర్ధన్ రామేశ్వర్ చేపట్టడం కూడా యాక్షన్-ఎమోషన్ ఫ్యూజన్‌కు మరింత బలం ఇచ్చే అంశంగా భావిస్తున్నారు.

అత్యుత్తమ విజువల్ ఎక్స్‌పీరియన్స్ కోసం టీమ్ థాయిలాండ్, మెక్సికో, యూరోప్ వంటి అంతర్జాతీయ లొకేషన్లలో హై-రిస్క్ యాక్షన్ షెడ్యూల్స్ ప్లాన్ చేస్తున్నట్టు సమాచారం. స్పిరిట్' సాధారణ కమర్షియల్ మూవీ కాదనీ, హై-ఆక్టేన్, హై-ఇంపాక్ట్ యాక్షన్ ఎంటర్టైనర్, అంతర్జాతీయ ప్రేక్షకులను కూడా ఆకట్టుకునేలా రూపొందుతోందని భావిస్తున్నారు.

బాలీవుడ్ స్టార్ నటి కాజోల్ 'స్పిరిట్' టీమ్‌లో జాయిన్ అవుతున్నారని ఇండస్ట్రీ బజ్. సినీ వర్గాల సమాచారం ప్రకారం.. కాజోల్ పాత్రను దర్శకుడు సందీప్ రెడ్డి వంగా ప్రత్యేకంగా డిజైన్ చేశారట. ఈ రోల్ సాధారణ కామియో కాదు, కథలో కీలకమైన మలుపును సెట్ చేసే శక్తివంతమైన పాత్రగా ఉండనుందన్న ప్రచారం గట్టిగా వినిపిస్తోంది. వంగా స్టైల్‌కి తగ్గట్టు పాత్రలో ఎమోషన్, ఆథారిటీ, గ్రిప్ అంశాలు బలంగా ఉంటాయని టాక్. గతంలో గుప్త, ఫణి, దిల్‌వాలే, త్రివిధ లాంటి సినిమాల్లో సీరియస్-ఇన్‌టెన్స్ పాత్రలలో తన నటనకు కొత్త కోణం చూపించిన కాజోల్... 'స్పిరిట్'లో మరోసారి అలాంటి హైరేంజ్ పాత్రలో నటించబోతున్నట్టు ఇండస్ట్రీ వర్గాల టాక్.

ఇన్నాళ్లుగా సర్క్యూలేట్ అవుతున్న మరో బజ్ రణ్‌బీర్ కపూర్ 'స్పిరిట్'లో హై-ఇంపాక్ట్ అతిథి పాత్రలో కనిపించబోతున్నారట. ఒక్క సీన్ అయినా అది సినిమాకు టర్నింగ్ పాయింట్ అవుతుందని, 'యానిమల్' సినిమాటిక్ యూనివర్స్‌ను 'స్పిరిట్'తో లింక్ చేసే ప్రయత్నమేమో అన్న చర్చలు నడుస్తున్నాయి. ఈ ఊహాగానాలు ప్రభాస్, రణ్‌బీర్ ఒకే ఫ్రేమ్‌లో చూసే అవకాశంపై అభిమానుల్లో భారీ ఎగ్జైట్‌మెంట్ పెంచాయి. ఇక ప్రస్తుతం షూటింగ్ హైదరాబాద్‌లో సాగుతోంది. తదుపరి షెడ్యూల్స్ అంతర్జాతీయ లొకేషన్లలో జరగనున్నాయి. ఈ పవర్‌ఫుల్ పోలీస్ డ్రామా 2026 చివర్లో లేదా 2027లో థియేటర్లలోకి వచ్చే అవకాశముంది.