Don't Miss!
- News కాంగ్రెస్ సర్కారును టచ్ చేస్తే..: బీజేపీ, బీఆర్ఎస్లకు సీఎం రేవంత్ హెచ్చరిక
- Sports LSG vs CSK: ధోనీ పవర్ హిట్టింగ్.. మెరిసిన జడేజా
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
జూనియర్ ఎన్టీఆర్ పై ఫోకస్ పెట్టిన బాలీవుడ్ సీనియర్ దర్శకుడు.. సెట్టయితే మామూలుగా ఉండదు
ఒకప్పుడు బాలీవుడ్ దర్శకులు ఎక్కువగా ఇతర ఇండస్ట్రీలో వైపు అంతగా ఆసక్తి చూపించేవారు కాదు. ఎక్కువగా బాలీవుడ్ సినిమాలతో బిజీగా కనిపిస్తూ ఉండేవారు. తెలుగు తమిళ్ ఇండస్ట్రీలలో మంచి టాలెంటెడ్ నటులు ఉన్నప్పటికీ కూడా వారితో సినిమాలు చేయాలని అంతగా ఆలోచించ లేదు. కానీ బాహుబలి సినిమా తర్వాత ఒక్కసారిగా అందరి ఆలోచన విధానం మారిపోయింది. ప్రస్తుతం టాలెంట్ అనేది చాలా ముఖ్యం అని అందరి టెక్నీషియన్లకు అర్థమవుతోంది. ముఖ్యంగా దర్శకులు మాత్రం మంచి టాలెంట్ ఉన్న హీరోల కోసం వెతుకుతున్నారు అనే చెప్పాలి. టాలీవుడ్ ఇండస్ట్రీ వైపు కూడా అన్ని భాషల దర్శకులు స్పెషల్ గా ఫోకస్ చేస్తున్నారు.
మన హీరోలు ప్రస్తుతం ఎక్కువగా పాన్ ఇండియా సినిమాలను లైన్ లో పెడుతున్న విషయం తెలిసిందే. గతంలో ఎప్పుడూ లేని విధంగా విభిన్నమైన కథలను పై ఫోకస్ చేస్తున్నారు. కథ నచ్చితే దర్శకుడు ఏ భాష వారు అని కూడా చూడటం లేదు. దర్శకుడు తెరకెక్కించ గలడు అని ఒక నమ్మకం ఉంటే చాలు భాషతో సంబంధం లేకుండా సినిమాలు చేసేందుకు గ్రీన్సిగ్నల్ ఇస్తున్నారు. ఇక జూనియర్ ఎన్టీఆర్ కూడా ఒక బాలీవుడ్ బడా దర్శకుడితో సినిమా చేసేందుకు ఆసక్తిని చూపిస్తున్నట్లు తెలుస్తోంది. జూనియర్ ఎన్టీఆర్ ఇప్పటికే RRR సినిమాను పూర్తి చేసిన విషయం తెలిసిందే. దర్శక ధీరుడు రాజమౌళి తెరకెక్కిస్తున్న ఈ సినిమా పై అంచనాలు భారీగానే ఉన్నాయి.
బాలీవుడ్ ఇండస్ట్రీలో కూడా సినిమా భారీ స్థాయిలో విడుదల కాబోతోంది. జూనియర్ ఎన్టీఆర్ కొమరం భీమ్ గా నటిస్తుండగా రామ్ చరణ్ తేజ్ ఆల్లూరి సీతారామరాజు పాత్రలో నటించిన విషయం తెలిసిందే. ఇక జూనియర్ ఎన్టీఆర్ నటన పై ఇదివరకే బాలీవుడ్ అగ్ర దర్శకులకు ఒక క్లారిటీ అయితే వచ్చింది. ఇక ఫైనల్ గా బాలీవుడ్ సీనియర్ దర్శకుడు సంజయ్ లీలా భన్సాలీ కూడా జూనియర్ ఎన్టీఆర్ తో సినిమా చేయడానికి చర్చలు జరుపుతున్నట్లు తెలుస్తోంది. బాజీరావ్ మస్తానీ పద్మావత్ వంటి ఎన్నో చారిత్రాత్మక కథలను టచ్ చేసిన సంజయ్ ప్రస్తుతం గంగు భాయ్ కథియావాడి సినిమాను విడుదల చేసేందుకు సిద్ధమవుతున్నాడు. ఈ సినిమాలో అలియాభట్ ప్రధాన పాత్రలో నటిస్తోంది.
ఇక ఆ తర్వాత బాలీవుడ్ లో సల్మాన్ ఖాన్ తోనే సంజయ్ మరో సినిమా చేయాలని అనుకున్నాడు. కానీ ఆ ప్లాన్ వర్కౌట్ కాలేదు. ఇక మరో హీరో పై ఫోకస్ చేస్తున్నట్లు తెలుస్తోంది. అంతేకాకుండా టాలీవుడ్ ఇండస్ట్రీ నుంచి కూడా తన తదుపరి ప్రాజెక్టు కోసం సెలెక్ట్ చేసుకోవాలి అనుకుంటున్నాడట. మొదట రామ్ చరణ్ అని ఒక టాక్ అయితే వచ్చింది. RRR హీరోల లోనే ఒకరిని సెలెక్ట్ చేసుకోవాలని అనుకుంటున్నట్లు కథనాలు కూడా వచ్చాయి. ఇక ప్రస్తుతం సంజయ్ లీలా బన్సాలీ ఫోకస్ జూనియర్ ఎన్టీఆర్ పై పడినట్లు తెలుస్తోంది. మరి ఈ న్యూస్ ఎంతవరకు నిజమో తెలియాలంటే అఫీషియల్ గా క్లారిటీ ఇచ్చే వరకు వెయిట్ చేయాల్సిందే.