మహేష్ బాబు హిస్టారికల్ మూవీ.. రాజమౌళి సినిమా కంటే భారీగా, హింట్ ఇచ్చిన బడా ప్రొడ్యూసర్

రాముడిగా ప్రభాస్..

ప్రస్తుతం రామాయణం కథ ఆధారంగా ప్రభాస్ ఆదిపురుష్ అనే సినిమా చేస్తున్న విషయం తెలిసిందే. ఆ సినిమాపై అంచనాలు ఏ రేంజ్ లో ఉన్నాయో స్పెషల్ గా చెప్పనవసరం లేదు. రాముడిగా ప్రభాస్ నటిస్తుండగా సీత పాత్రలో కృతి సనోన్ నటిస్తోంది. ఇక రావణుడిగా సైఫ్ అలీ ఖాన్ ను కనిపించనున్నాడు. దర్శకుడు ఓం రావత్ ఈ సినిమాను పాన్ ఇండియా సినిమగా రూపొందిస్తున్నారు.

రామాయణ బ్యాక్ డ్రాప్ లో మహేష్

ఇక మహేష్ బాబు కూడా రాముడి పాత్రలో నటించనున్నట్లు గత రెండేళ్లుగా టాక్ వస్తోంది. బాలీవుడ్ బడా నిర్మాత మధు మంతెన వర్మ.. రామాయణ బ్యాక్ డ్రాప్ లో సినిమా చేయడానికి సిద్ధమవుతున్నాడు. స్క్రిప్ట్ పనులు ఆల్ మోస్ట్ ఫినిష్ అయ్యాయట. అయితే ఆ మధ్య మహేష్ బాబు, హృతిక్ రోషన్ వంటి వారు సినిమాలో నటిస్తారని టాక్ వచ్చింది.

మహేష్ టచ్ లో ఉన్నాడు

శ్రీరాముడి పాత్ర కోసం అయితే నిర్మాత ఒక స్టార్ హీరోను అనుకున్నట్లు క్లారిటీ ఇచ్చారు. మహేష్ బాబు సైతం టచ్ లో ఉన్నట్లు వివరణ ఇచ్చారు. అయితే సినిమా చేయడానికి మహేష్ బాబు ఒప్పుకున్నాడా లేదా అనే విషయాన్ని చెప్పలేదు. మహేష్ అయితే ఇంతవరకు ఆ సినిమాపై ఎలాంటి నిర్ణయం కూడా తీసుకోలేదని సమాచారం.

మహేష్ చేయబోయే సినిమాలు

ప్రస్తుతం సర్కారు వారి పాటతో బిజీగా ఉన్న సూపర్ స్టార్ త్వరలోనే త్రివిక్రమ్ ప్రాజెక్టును స్టార్ట్ చేయనున్నారు. అలాగే రాజమౌళితో కూడా ఒక సినిమా చేయడానికి గ్రీన్ సిగ్నల్ ఇచ్చారు. అనిల్ రావిపూడితో చర్చలు జరుగుతున్నాయి కానీ ఇంకా ఫైనల్ కాలేదు. అలాగే రామాయణ సినిమాపై కూడా మహేష్ ఫైనల్ చేయలేదని తెలుస్తోంది.