Don't Miss!
- Finance Mutual Funds: ఆ కంపెనీల్లో వాటాను పెంచుకున్న మ్యూచువల్ ఫండ్స్..
- Sports IPL చరిత్రలో తొలిసారి.. రాహుల్-రుతురాజ్కు షాక్!
- News Rk Roja Margadarsi Chit: మార్గదర్శిలో రోజాకు చిట్! విలువెంతో తెలుసా?
- Travel శ్రీవారి భక్తులకు శుభవార్త.. ఐఆర్సిటిసి తిరుమల టూర్ ప్యాకేజీ...
- Automobiles కనీవినీ ఎరుగని డిస్కౌంట్స్!.. హ్యుందాయ్ కారు కొనటానికి ఇదే మంచి సమయం
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
అఖండ హిట్టయినా కాకపోయినా.. ఆ హీరోతో మరో పవర్ఫుల్ మూవీ.. బోయపాటి న్యూ ప్లాన్!
టాలీవుడ్ బెస్ట్ మాస్ కమర్షియల్ దర్శకుల్లో ఒకరైన బోయపాటి శ్రీను కరెక్ట్ సినిమా తీయగలిగితే అభిమానులకు ఫుల్ మీల్స్ దొరికినట్లే. మొదటి సినిమా భద్ర నుంచి కూడా చాలా తెలివిగా యాక్షన్ డోస్ పెంచుకుంటూ వస్తున్న బోయపాటి సక్సెస్ లెవెల్ ను కూడా పెంచుకుంటున్నాడు. ఇక ప్రస్తుతం అఖండ సినిమాతో బిజీగా ఉన్న బోయపాటి తరువాత సినిమాను కూడా ఫిక్స్ చేసుకునే పనిలో ఉన్నట్లు తెలుస్తోంది.
ఆ రెండు సినిమాలతో
సింహా, లెజెండ్ సినిమాలతో బాక్సాఫీస్ వద్ద సరికొత్త ట్రెండ్ చేసిన విషయం తెలిసిందే. ఇక ఆ రెండు సినిమాల హిట్స్ తో అగ్ర హీరోలు చాలా మంది బోయపాటితో వర్క్ చేయాలని ఎన్నో రకాలుగా చర్చలు జరిపారు. ఇక అల్లు అర్జున్ తో సరైనోడు సినిమాలతో మరో పవర్ఫుల్ హిట్ అందుకున్న విషయం తెలిసిందే.
రామ్ చరణ్ ఎంతో నమ్మకంతో..
ఇక చివరగా చేసిన వినయ విధేయ రామ సినిమా డిజాస్టర్ అయిన విషయం తెలిసిందే. రామ్ చరణ్ ఎంతో నమ్మకంతో ఇచ్చిన ఆ అవకాశాన్ని బోయపాటి శ్రీను సరైన రీతిలో యూజ్ చేసుకోలేకపోయాడు. రొటీన్ కమర్షియల్ ఫార్ములా ఎక్కువయ్యిందనే రూమర్స్ కూడా వస్తున్నాయి.
కసిగా వర్క్ చేస్తున్నాడు
అయితే ఆ సినిమా ప్లాప్ అవ్వడంతో బోయపాటి వెంటనే బాలకృష్ణతో మూడవ సినిమా చేయడానికి సిద్దమైన విషయం తెలిసిందే. అఖండ అనే టైటిల్ తో ఇటీవల టీజర్ ను విడుదల చేయగా భారీ రెస్పాన్స్ వచ్చింది. బాలకృష్ణ అఘోరా వంటి పాత్రలో కనిపిస్తుండడంతో సినిమా ఒక్కసారిగా భారీ హైప్ క్రియేట్ చేసింది. తప్పకుండా ఈ సినిమాతో హిట్ అందుకోవాలని బోయపాటి కసిగా వర్క్ చేస్తున్నాడు.
Recommended Video
అల్లు అర్జున్ తో మరో సినిమా
ఇక ఆ సినిమా హిట్టయినా కాకపోయినా కూడా అల్లు అర్జున్ మాత్రం బోయపాటితో మరో సినిమా చేయాలని ఫిక్స్ అయ్యాడట. ఆ నమ్మకంతోనే బోయపాటి కథ రెడీ చేస్తున్నట్లు సమాచారం. షూటింగ్ కు కాస్త బ్రేక్ రావడంతో ఇప్పటికే బన్నీకి ఒక లైన్ వినిపించాడట. అతనికి నచ్చడంతో స్క్రిప్ట్ రెడీ చేసే పనిలో బిజీ అయినట్లు సమాచారం.
ఇక ప్రస్తుతం పుష్పతో బిజీగా ఉన్న బన్నీ ఆ తరువాత ఐకాన్, కొరటాలతో మరో రెండు సినిమాలను పూర్తి చేసి ఆ తరువాత బోయపాటితో వర్క్ చేయవచ్చని టాక్ వస్తోంది.