హోమ్

గాసిప్స్

హాస్య నటుడు బ్రహ్మానందం కుమారుడు గౌతమ్ హీరోగా రీఎంట్రీ ఇస్తూ చేసిన వారెవా చిత్రం దర్శకుడుని ఎప్పుడో తీసేసి నిర్మాతే సినిమాని చుట్టేసాడని ఫిల్మ్ సర్కిల్స్ లో వినపడుతోంది. ఈ మేరకు బ్రహ్మానందం చాలా సీరియస్ అయ్యారని, ఆయన నటించవలిసిన సీన్స్ పెండింగ్ ఉంచారని, రాజీకి వెళితే కొన్ని సీన్స్ రీషూట్ చేస్తేనే ఒప్పుకుంటానని చెప్పినట్లు తెలుస్తోంది. మొదట ఈ చిత్రానికి దర్శకుడుగా కళ్యాణ్ మంతెన పని చేసారు. ఆ తర్వాత నిర్మాతకీ, దర్శకుడుకీ విభేదాలు వచ్చి నిర్మాత మహేశ్వరావే దర్శకుడు అవతారం ఎత్తారని చెప్తున్నారు. ఇక ఇండస్ట్రీలో ఈ విషయం బయిటకు పొక్కటంతో ఈ చిత్రం కొనుగోలు చేయటానకి ఎవరూ ముందుకురావటం లేదని చెప్తున్నారు. మరో ప్రక్క బ్రహ్మానందం మాత్రం తన కొడుక్కి ఈ చిత్రం నిమిత్తం రావల్సిన మిగతా పేమెంట్ కోసం రోజూ వెంటాడుతున్నాడని చెప్తున్నారు.సినిమా ప్రారంభైన నాటినుండీ ఏ దశలోనూ క్రేజ్ సంపాదించుకోలేక పోయిన ఈ చిత్రాన్ని బయిట పడేసే భాద్యత బ్రహ్మానందం తీసుకుంటేనే బెస్ట్ అంటున్నారు. శాంభవి హీరోయిన్ గా పరిచయమవుతున్న ఈ చిత్రం 'కాలేజి నేపథ్యంలో సాగే రొమాంటిక్‌ యాక్షన్‌ ఎంటర్ ‌టైనర్‌ అని, గౌతమ్‌ పాత్ర సరదాగా సాగిపోతూ అందర్నీ ఆకట్టుకుంటుంది' అంటున్నారు. ఇక గౌతమ్ చేసిన తొలి చిత్రం పల్లకీలో పెళ్ళికూతురు భాక్సాఫీస్ వద్ద ఫెయిలయిన సంగతి తెలిసిందే.