‘ఇద్దరమ్మాయిలతో' లో ఆ సీన్స్ కోత

Gossips

oi-Surya

By Srikanya

| Published: Monday, June 3, 2013, 8:57 [IST]

హైదరాబాద్ : అల్లు అర్జున్ హీరోగా పూరి జగన్నాథ్ దర్శకత్వంలో రూపొందిన 'ఇద్దరమ్మాయిలతో' చిత్రం మొన్న శుక్రవారం(మే 31)న గ్రాండ్‌గా విడుదలయిన సంగతి తెలిసిందే. చిత్రం మార్నింగ్ షో కే నెగిటివ్ టాక్ తెచ్చుకున్న ఈ చిత్రంలో సీన్స్ కోత మొదలైంది. మొదటిగా ఈ కోత బ్రహ్మానందం, అలీ సీన్స్ పై పడింది.

అలీ,బ్రహ్మానందం మధ్య వచ్చే కామెడీ సీన్స్ కు పూరీ జగన్నాధ్ సినిమాలు మొదటి నుంచి పెట్టింది పేరు. పోకిరి,సూపర్,చిరుత,కెమెరామెన్ గంగతో రాంబాబు చిత్రాలు ఈ విషయాన్ని స్పష్టం చేస్తాయి. అయితే తాజాగా వచ్చిన 'ఇద్దరమ్మాయిలతో' ఆ సీన్స్ అసలు పండలేదు. అన్ని చోట్ల నుంచి ఈ సీన్స్ చెత్తాయని టాక్ వచ్చింది.

దాంతో రియలైజ్ అయిన టీమ్ వెంటనే ఆ సీన్స్ పై కోత వేసారు. సెకండాఫ్ లో వచ్చే బ్రహ్మి,అలీ ట్రాక్ పూర్తిగా ఎత్తివేసారు. ఉన్నంతంలో కాస్త బోర్ తగ్గి సినిమా ప్రేక్షకులకు నచ్చుతుందని భావిస్తున్నారు.

మరో ప్రక్క ఈ చిత్రంలో అల్లు అర్జున్ కులాల మీద చెప్పిన డైలాగులు చర్చనీయాంసంగా మారాయి. ఈ డైలాగులు హైలెట్ గా నిలిచి సినిమాని నిలబెడతాయని చాలా మంది అంచనాలు వేసారు. నిజానికి ఇటీవల కాలంలో ఏ తెలుగుసినిమా లోనూ కనిపించిని కాస్ట్ పీలింగ్ ఈ చిత్రంలో వ్యక్తమయ్యింది. డైలాగ్స్ తో ఆకట్టుకునే పూరీ జగన్నాధ్ ఈ సారి కలాన్ని కులం సిరాలో కలిపి రాసారు. హీరో,హీరోయిన్ల పెళ్లి మాటల సందర్భంలోనూ, వారి ప్రేమ సన్నివేశాల్లోనూ కులాల గోల మరీ ఎక్కువైంది. తన భార్య ఎలాగూ స్నేహా రెడ్డి కాబట్టి.. ఇలా పెట్టించాడా....సరదాకోసం చేసాడా అన్నది చర్చనీయాంసంగా మారింది.