అల్లు అర్జున్ డేట్స్ ..... నాగ బాబు వద్ద కొనుక్కోవాలా?

బన్నీ డేట్స్ నాగబాబు వద్ద కొనుక్కోవాలా?

తాజాగా నాగబాబు చేతిలో బన్నీ డేట్స్ ఉన్నాయని, ఎవరైనా ఆయనతో సినిమా చేయాలనుకుంటే నాగబాబును సంప్రదించి డేట్స్ కొనుక్కోవాల్సి ఉంటుందని అంటున్నారు. ఇలా చేయడం ద్వారా బన్నీకి మంచి రెమ్యూనరేషన్ రావడంతో పాటు, నాగబాబుకు కూడా ఇన్ కం ఉంటుందని టాక్.

గతంలో మహేష్ బాబు కూడా

గతంలో తన సోదరుడు రమేష్ బాబును ఆర్థికంగా ఆదుకునేందుకు మహేష్ బాబు కూడా ఇలాగే చేశాడని, ఇపుడు నాగబాబు ఆర్థికంగా నిలదొక్కుకునేందుకు మెగా హీరోలు అదే బాటలో నడుస్తున్నారని టాక్.

బన్నీ కొత్త మూవీ విశేషాలు

ప్రస్తుతం దువ్వాడ జగన్నాధం సినిమా చేస్తున్న అల్లు అర్జున్ తర్వాత వక్కంతం వంశీ దర్శకత్వంలో లగడపాటి శ్రీధర్ నిర్మాతగా సినిమా చేయబోతున్నట్లు సమాచారం. నాగబాబు వద్దనే లగడపాటి శ్రీధర్ బన్నీ డేట్స్ కొన్నట్లు టాక్. త్వరలోనే ఈ సినిమాకు సంబంధించిన పూర్తి వివరాలు వెల్లడికానున్నాయి.

డిజే రిలీజ్ వాయిదా?

దువ్వాడ జగన్నాధమ్ సమ్మర్ రిలీజ్‌గా మే 19న విడుదల చేసేందుకు చిత్ర నిర్మాత దిల్ రాజు నిర్ణయించాడు. కానీ, ఇప్పుడు సినిమా విడుదల వాయిదా పడబోతోందట. అదీ రోజులు కాదు నెలలపాటు. జూన్ 2 న వచ్చే అవకాశాలున్నాయంటున్నారు. సినిమాను రీ షూట్ చేస్తున్నట్లు టాక్. అఫీషియల్ గా అయితే ఎలాంటి సమాచారం లేదు.