నాగ్ 'పవర్' చూడనున్న సి.కళ్యాణ్

By Staff

Published: Sunday, March 8, 2026, 2:22 [IST]

నాగార్జున, లారెన్స్ కాంబినేషన్ లో వచ్చిన 'మాస్' హిట్టయితే 'డాన్' ఫెయిలైందన్న సంగతి తెలిసిందే. అలాగే లారెన్స్ 'పార్ధు', 'ముని' వంటి సినిమాల్లో సోలో హీరోగా చేసి దెబ్బతిన్నాడు. ఇప్పుడు మళ్ళీ ఈ కాంబినేషన్ లో మూడో సినిమాకు శ్రీకారం చుడుతున్నారు . ఈ మథ్యనే 'చందమామ' తో హిట్టిచ్చిన సి.కళ్యాణ్ ఈ సినిమాను నిర్మించనున్నాడు. ఈ ప్రాజెక్టుకు నాగార్జున గ్రీన్ సిగ్నల్ ఇచ్చాడని తెలుస్తోంది.

ఇక ఈ సినిమా డిసెంబర్ లోగానీ, 2009 జనవరిలోగాని ప్రారంభమయ్యే అవకాశాలు ఉన్నాయి. ఈ లోగా లారెన్స్ తమిళంలో తలపెట్టిన 'రాజాధిరాజా' సినిమా పూర్తవుతుంది. అలాగే నాగ్ 'కింగ్' కూడా విడుదలకు రెడీ అవుతుంది. అలాగే ఇన్నాళ్ళూ చిన్న నిర్మాతగా పేరు తెచ్చుకున్న సి.కళ్యాణ్ ఈ సినిమాతో పెద్ద ప్రొడ్యూసర్స్ లిస్ట్ లో చేరుతాడంటున్నారు. ప్రస్తుతం ఆయన 'ఆర్య ఎమ్.బి.బి.యస్' అనే తమిళ సినిమాను అదే పేరుతో డబ్బింగ్ చేస్తున్నారు. అలాగే ఈ సినిమాకి 'పవర్' అనే టైటిల్ పరిశీలనలో ఉంది. బెస్టాఫ్ లక్ సి.కళ్యాణ్!!

More from Filmibeat