విజయ్ దేవరకొండ 'నోటా'కు షాక్.. ఆ సన్నివేశాలు తొలగించాల్సిందే!

విజయ్ దేవరకొండ అన్నట్లుగానే

ఇటీవల ఈ చిత్ర ప్రీరిలీజ్ ఈవెంట్ లో విజయ్ దేవరకొండ మాట్లాడుతూ.. నా చిత్రాలు ఎప్పుడూ సాఫీగా విడుదల కావు. ఏదో ఒక సమస్య ఎదురవుతూనే ఉంటుంది అని విజయ్ దేవరకొండ తెలిపాడు. నోటా చిత్రం రాజకీయ అంశాలతో రూపొందింది. దీనితో ఈ చిత్రంపై కొన్ని రాజకీయ వర్గాల నుంచి వ్యతిరేకత వ్యక్తం అవుతున్నట్లు తెలుస్తోంది.

ఎన్నికలపై ప్రభావం

ఈ చిత్ర టైటిల్ నోటా. తెలంగాణాలో త్వరలోనే ఎన్నికలు జరగనున్న నేపథ్యంలో నోటా టైటిల్ ప్రభావం చూపే అవకాశం ఉందని కొందరు వివాదం సృస్టిస్తునట్లు విజయ్ దేవరకొండ తెలిపాడు. ఈ చిత్రంలో వివాదభరిత అంశాలు ఏమీ లేవని తెలియజేశాడు.

తొలగించాల్సిందే

నోటా చిత్రానికి సెన్సార్ నుంచి కూడా చిక్కులు మొదలైనట్లు తెలుస్తోంది. ఈ చిత్రంలో కొన్ని వివాదభరిత సన్నివేశాలు, డైలాగులని సెన్సార్ సభ్యులు గుర్తించారని ప్రచారం జరుగుతోంది. ఆ సన్నివేశాల్ని తొలగించి, డైలాగులని మ్యూట్ చేయాలని ఆదేశించారట.

కాంట్రవర్సీగా

ఆ సన్నివేశాలు కాట్రవర్సీగా మారతాయని భావించిన సెన్సార్ సభ్యులు పలు కట్స్ సూచించినట్లు తెలుస్తోంది. సెన్సార్ ఆదేశాలకు అనుగుణంగా ఆయా సన్నివేశాలని తొలగించే పనిలో చిత్ర యూనిట్ ఉన్నట్లు వార్తలు వస్తున్నాయి.

ముఖ్యమంత్రి పాత్రలో

ఈ చిత్రంలో విజయ్ దేవరకొండ యంగ్ సీఎంగా కనిపించబోతున్నాడు. అర్జున్ రెడ్డి, గీత గోవిందం లాంటి ఎమోషనల్, రొమాంటిక్ ప్రేమ కథలలో నటించిన విజయ్ దేవరకొండ ఈ చిత్రంలో రాజకీయ నాయకుడిగా ఎలా నటించాడనే ఆసక్తి అభిమానుల్లో నెలకొని ఉంది. విజయ్ సరసన మెహ్రీన్ హీరోయిన్ గా నటించింది.