తారకరత్నపై బాబుకి ఎందుకు..

By Staff

Published: Monday, February 16, 2009, 14:00 [IST]

తాజాగా తారకరత్న హీరోగా చేసిన వెంకటాద్రి ఆడియో పంక్షన్ కి చంద్రబాబు గైర్హాజరవటం అంతటా చర్చనీయాంగా మారింది. బాబాయే(బాలకృష్ణ)కాబోయే ముఖ్యమంత్రి అంటూ తారకరత్న ప్రకటన చేసి కొద్ది కాలం క్రిందట తెలుగు దేశం వర్గాల్లో వేడి పుట్టించారు. అయితే ఈ వైఖరి పొసగని బాబు...తారకరత్న తండ్రి మోహన్ కృష్ణ ఆ పంక్షన్ కి రావాల్సిందిగా చంద్రబాబును పదేపదే ఫోన్ లో ఆహ్వానించినా..ఆయన ఆ కార్యక్రమానికి డుమ్మా కొట్టారు.

చంద్రబాబు ఇంటికి కూతవేటు దూరంలో జరిగిన ఈ పంక్షన్ కు చంద్రబాబు కావాలనే రాలేదని అంతా అంటున్నారు. తారకరత్న తండ్రి మోహన కృష్ణకు మొదటి నుంచీ దగ్గుబాటి దంపతులతో మంచి సంభంధాలుండటం, పంక్షన్ లో వారికే ఎక్కువ ప్రాధాన్యత లభిస్తుందనే అనుమానమే బాబుని ఆ పంక్షన్ వైపుకి వెళ్ళకుండా చేసిందని చెప్పుకుంటున్నారు. ఇక ఇదే కార్యక్రమానికి దగ్గుబాటి పురంధేశ్వరి, వెంకటేశ్వరరావులు హాజరయ్యారు. చంద్రబాబు అనుమానించినట్లుగానే అక్కడ వీరికి ప్రాధాన్యత ఏర్పడింది.

More from Filmibeat