Don't Miss!
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Sports సూపర్ సండే: సునామీ సన్రైజర్స్ను ఢీకొట్టేదెవరు: నెక్స్ట్ మ్యాచ్ డీటెయిల్స్ ఇవే
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
పాపం..చెప్పుకోలేని ఇబ్బందుల్లో చార్మి
నిజానికి చార్మి చేతిలో ఇప్పుడు చెప్పుకోదగ్గ చిత్రాలు లేవు. ఒకటి అరా ఉన్నా అవీ ఫైనలైజ్ కాలేదు. కానీ ఆమె నటించిన చిత్రాలు మాత్రం ఈ రెండు నెలల్లో దాదాపు నాలుగు రిలీజ్ కు రెడీ అవుతున్నాయి. అవెక్కడనుంచి వచ్చాయి అంటే..ఆమె కన్నడంలో ఉపేంద్ర తో చేసిన చిత్రం ఒకటి 'జాదూగాళ్ళు' టైటిల్ తో డబ్బింగ్ చేసారు. ఈ చిత్రం ఈ నెల 8న ప్రేక్షకుల ముందుకు రానుంది. అలాగే ఆమె తమిళంలో పి.వాసు దర్శకత్వంలో నటించిన ఓ చిత్రం 'ఇందు'గా తెలుగు ప్రేక్షకుల ముందుకు త్వరలో రానుంది. వీటితో పాటు ఆమె తెలుగులో నేరుగా నటించిన రెండు చిత్రాలు కూడా విడుదలకు వేచివున్నాయి.అవి వేణు హీరోగా దిలీప్ పోలన్ దర్శకత్వంలో యలమంచిలి రవిచంద్ నిర్మించిన 'మాయగాడు' చిత్రం ఒకటి.
అలాగే పవన్ అనే నూతన దర్శకుడి దర్శకత్వంలో రాజశేఖర్ నిర్మించిన 'సై ఆట' చిత్రం విడుదలకు సిద్ధంగా వున్నాయి. అయితే వీటిల్లో దేనికీ పెద్దగా చార్మి పేరు చెప్పి మార్కెట్ కాలేదు. ఉన్నంతలో ఉపేంద్ర పేరు చెప్పి 'జాదూగాళ్ళు' కొద్దో గొప్పో మార్కెట్ అయింది. దాంతో చార్మి వీటిల్లో ఏది ఆడుతుందో అని ఎదురు చూడాల్సిన స్ధితి వచ్చింది. అయితే శ్రీకాంత్ సరసన లేటెస్ట్ గా ఆమెకు ఓ ఆఫర్ వచ్చింది. అదే కాస్తంత ఉత్సాహాన్ని నింపుతోంది. దాంతో ఆమెకు ఏం సినిమాలు చేస్తున్నారు అంటే ఈ నాలుగు చెప్పాలా లేక కొత్తగా కమిటయింది చెప్పాలా అనే డైలమోలో ఉంది. ఇలా నాలుగు సినిమాలు ఉన్నాయి ..అదేంటి అవి ఎప్పుడో పూర్తయ్యాయి కదా మార్కెట్ కాలేదా అనే సానుభూతి చూపటం జరుగుతోందిట. అదీ పరిస్దితి.