చార్మిని కూడా ఓ పట్టుపడుతున్న నాగార్జున...

నాగార్జున సరసన చార్మి తాజాగా ఓ ఐటం సాంగ్ చేయటానికి కమిట్ అయింది. వీరూ పోట్ల దర్శకత్వంలో రూపొందే ఈ చిత్రంలో ఇప్పటికే ప్రియమణి, అనూష్క హీరోయిన్స్ గా చేస్తున్నారు. వీరు చాలదన్నట్లు చార్మిని నాగార్జున ఏరి కోరి తెచ్చుకుంటున్నారు. ఇక చివరి నిముషంలో తీసుకున్న ఈ నిర్ణయాన్ని సినిమా మొదటి ఇంట్రడక్షన్ సాంగ్ లో అమలు పరచనున్నారు. తమన్ సంగీత దర్శకత్వంలో రూపొందిన మాస్ ట్యూన్స్ ని రాయలసీమ స్లాంగ్ లో సాంగ్ గా సమకూర్చి..చార్మిని ఓ పట్టుపడుతూ నాగార్జున చిందులేస్తారు. ఇక ఈ పాటలకి రాజు సుందరం కొరియోగ్రఫీ అందిస్తున్నారు. చార్మి కూడా కాస్త తగ్గి ఈ పాటలో తన అందాలను ఆరబోయనుంది. ఇక చార్మి ఇంతకు ముందు మాస్ సినిమాలో నాగార్జునని మెప్పించింది. ఇక ఈ కొత్త చిత్రానికి రగడ అనే టైటిల్ ని పెట్టే ఆలోచనలో ఉన్నట్లు సమాచారం.