For Quick Alerts
    ALLOW NOTIFICATIONS  
    For Daily Alerts

    చిన్ని కృష్ణ పెద్ద ఆశలు...చిరంజీవినే టార్గెట్ చేసాడు!

    By Bojja Kumar
    |

    హైదరాబాద్: తెలుగు సినీ రచయిత చిన్ని కృష్ణ గురించి కొత్తగా పరిచయం అక్కర్లేదనుకుంటా. ఇంద్ర లాంటి సూపర్ హిట్ సినిమాకు కథను అందించి మెగా రైటర్‌గా పేరు తెచ్చుకున్న ఆయన త్వరలో దర్శకుడి అవతారం ఎత్తబోతున్నట్లు వెల్లడించిన సంగతి తెలిసిందే. అంతా బానే ఉంది కానీ.....చిన్ని కృష్ణ పెద్ద ఆశలు ఫిల్మ్ నగర్లో చర్చనీయాంశం అయ్యాయి.

    ప్రస్తుతం తన చేతిలో 10 కథలు ఉన్నాయని...అందులో ఐదింటికి తానే దర్శకత్వం వహించాలని నిర్ణయించుకున్నానని, మిగిలినవి ఇతరులకు ఇస్తానని చిన్న కృష్ణ వెల్లడించారు. మెగాస్టార్ చిరంజీవి 150వ సినిమాకు కూడా కథను రెడీ చేస్తున్నానని, అవకాశం ఇస్తే ఆ సినిమాకు దర్శకత్వం కూడా వహిస్తానని, మహేష్ బాబు, రామ్ చరణ్, జూ ఎన్టీఆర్ లాంటి వాళ్లతో పని చేయాలని(దర్శకుడిగా..) కోరుకుంటున్నట్లు వెల్లడించారు.

    Chinni Krishna

    కాగా...చిన్న కృష్ణ వ్యవహారంపై ఫిల్మ్ నగర్లో రకరకాల గుసగుసలు వినిపిస్తున్నాయి. ఆశ పడటంలో తప్పు లేదుకానీ......తొలి అడుగే ఆకాశంలో వేస్తానంటే ఎలా? అని పలువు ప్రశ్నిస్తున్నారు. చిరంజీవితో సినిమా అంటే మాటలు కాదు, ఎంతో అనుభవం ఉంటే తప్ప ఆయన సినిమాకు దర్శకత్వం వహించే స్థాయి రాదు అంటున్నారు.

    తాను దర్శకుడిగా తెరంగ్రేటం చేస్తున్న విషయానికి హైప్ తేవడానికే......చిన్ని కృష్ణ చిరంజీవి, మహేష్ బాబు లాంటి వారి ప్రస్తావన తెచ్చారని మరికొందరు అభిప్రాయ పడుతున్నారు. మరి ఈ గుసగుసలపై చిన్ని కృష్ణ ఏ విధంగా స్పందిస్తారో చూడాలి. అయినా ఫిల్మ్ నగర్లో ఇలాంటి గుసగుసలు సర్వసాధారణమే! ఏది ఏమైనా...దర్శకుడిగా చిన్న కృష్ణ అందనీ మెుప్పించే సినిమాలు తీయాలని ఆశిద్దాం.

    English summary
    Chinni Krishna also have plans to direct the 150th flick of Mregastar Chiraneevi. "I have prepared a script that suits the image of Chiranjeevi. I would like to direct his 150th film. Nothing was finalised yet, but I would love to team up with him again," Chinni Krishna told.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X