‘ఎన్టీఆర్’ బయోపిక్‌లో మెగా‌స్టార్ చిరంజీవి పాత్ర కూడా?

మెగాస్టార్ చిరంజీవి పాత్ర?

తాజాగా అందుతున్న సమాచారం ప్రకారం ఈ చిత్రంలో మెగాస్టార్ చిరంజీవి పాత్ర కూడా ఉంటుందట. ఎన్టీఆర్-చిరంజీవి కలిసి ‘తిరుగులేని మనిషి' సినిమాలో నటించారు. ఈ నేపథ్యంలో ‘ఎన్టీఆర్' బయోపిక్‌లో చిరు పాత్ర ఉంటుందనే వార్తలు జోరందుకున్నాయి.

చిరంజీవి పాత్రలో ఎవరు?

అయితే చిరంజీవి పాత్ర ఉంటుందనే విషయమై చిత్ర బృందం నుండి ఎలాంటి ప్రకటన లేదు. అయితే సోషల్ మీడియాలో మాత్రం ఈ విషయంలో జోరుగా ప్రచారం జరుగుతోంది. అదే నిజమైతే ఆయన పాత్ర ఎవరు పోషిస్తారనేది కూడా ఆసక్తికరమే. మరి దీనిపై దర్శకుడు క్రిష్ ఓ క్లారిటీ ఇస్తే బావుంటుందనేది ప్రేక్షకుల అభిప్రాయం.

చంద్రబాబు పాత్రలో రానా

కాగా... ఈ సినిమాలో చంద్రబాబు నాయుడు పాత్రలో రానా నటిస్తున్న సంగతి తెలిసిందే. బాలయ్యతో పాటు దర్శకుడు క్రిష్, రానా ఇటీవల చంద్రబాబుతో భేటీ అయ్యారు. ఈ భేటీలో సినిమాలో ఆయన పాత్ర ఎలా ఉంటుందనే విషయమై వివరించినట్లు సమాచారం.

బాలయ్య పాత్రపై అందరిలోనూ ఆసక్తి

ఈ చిత్రంలో ఎన్టీఆర్ పాత్రలో బాలయ్య నటిస్తున్న సంగతి తెలిసిందే... అయితే బాలయ్య పాత్రలో ఎవరు కనిపిస్తారనేది ఆసక్తికరంగా మారింది. అయితే ఈ విషయాన్ని సినిమా విడుదలయ్యే వరకు సస్పెన్స్‌గా ఉంచాలని భావిస్తున్నారు. ఈ పాత్రలో బాలయ్య తనయుడు మోక్షజ్ఞ నటించే అవకాశం ఉందనే వార్తలు సైతం వినిపిస్తున్నాయి.

ప్రముఖుల పాత్రలు

ప్రముఖ బాలీవుడ్ నటి విద్యా బాలన్ ఈ చిత్రంలో ఎన్టీఆర్ సతీమణి బసవతారకం పాత్రలో కనువిందు చేయబోతున్నారు. అక్కినేని నాగేశ్వరరావు, సావిత్రి, హెచ్‌.ఎం. రెడ్డి, చక్రపాణి, ఎస్వీ రంగారావు, కృష్ణ, శ్రీదేవి పాత్రల చేస్తారనేది త్వరలో వెల్లడించనున్నారు.