సెంటిమెంట్ సుడిలో సైరా.. రిలీజ్ డేట్ ఫిక్స్!

సెంటిమెంట్ డేట్

టాలీవుడ్‌లో ప్రధానంగా మెగాస్టార్ చిరంజీవికి మే 9వ తేదీకి ఓ అవినాభావ సంబంధం ఉంది. ఆ తేదీన ఓ సెంటిమెంటిగా భావిస్తారు. అదే రోజున చిరంజీవి నటించిన జగదేక వీరుడు, అతిలోక సుందరి, గ్యాంగ్ లీడర్ చిత్రం రిలీజైంది. ఆ రెండు చిత్రాలు చిరంజీవి కెరీర్‌లో ఆణిముత్తాలుగా నిలిచాయి ఇటీవల మహానటి కూడా అదే రోజు విడుదలై ఘన విజయం సాధించింది.

సమ్మర్ జోష్

టాలీవుడ్‌లో సాధారణంగా వేసవి సెలవుల్లో భారీ బడ్జెట్ చిత్రాలకు మంచి డిమాండ్ ఉంటుంది. సమ్మర్‌లో వచ్చిన చిత్రాలు బ్లాక్‌బస్టర్లుగా నిలిచాయి. గతేడాది వచ్చి బాహుబలి, ఈ ఏడాది రిలీజైన రంగస్థల, భరత్ అనే నేను చిత్రాలు అనూహ్య విజయాలు సాధించాయి.

మే 9న సైరా

వేసవి సెలవులను దృష్టిలో పెట్టుకొని సైరా నర్సింహరెడ్డి చిత్రాన్ని వచ్చే ఏడాది మే 9న రిలీజ్ చేయాలని నిర్మాత రాంచరణ్ ఫిక్సయ్యాడట. సైరా చిత్రాన్ని అత్యంత ప్రతిష్టాత్మకంగా కొణిదెల బ్యానర్‌పై మెగా పవర్ స్టార్ రూపొందిస్తున్న సంగతి తెలిసిందే.

సైరాలో తమన్నా ఎంట్రీ

కాగా, సైరా చిత్రం హైదరాబాద్‌లో శరవేగంగా షూటింగ్ జరుపుకొంటున్నది. సోమవారం నుంచి ప్రారంభమయ్యే షూటింగ్‌లో తమన్నా ఎంట్రీ ఇవ్వబోతున్నారు. ఈ చిత్రంలో తమన్నా ఓ కీలకపాత్రను పోషిస్తున్నారు. ఇంకా ఈ చిత్రంలో అమితాబ్, నయనతార తదితరులు నటిస్తున్నారు.