చిరంజీవి ముందు చిక్కుముడి.. రాంచరణ్ విషయంలో తేల్చుకోలేక పోతున్న మెగాస్టార్

మూడు నెలలుగా షూటింగుల లేక

మూడు నెలలుగా షూటింగులు జరగకపోవడంతో సినిమా పరిశ్రమ ఎదుర్కొనబోయే ప్రధాన సమస్య ఆర్టిస్టుల డేట్స్. ఒక సినిమాలో నటించే నటీనటులు మరో సినిమాలో నటించడం సర్వసాధారణం. అయితే ముందస్తుగా అడ్జస్ట్ చేసుకొన్న డేట్స్ కారణంగా రాబోయే రోజుల్లో పెద్ద సమస్య వచ్చి పడటం ఖాయంగా కనిపిస్తున్నది. రాంచరణ్‌కు ఎటు తేల్చుకొని పరిస్థితులు ఏర్పడ్డాయి.

నిర్మాతగా, నటుడిగా రాంచరణ్

రాంచరణ్ నిర్మాతగా, నటుడిగా మారి తన జీవితంలో, కెరీర్‌లో పలు సవాళ్లను సమర్ధంగా ఎదుర్కొంటున్నారు. ఓ వైపు RRR సినిమాలో నటిస్తూ నిర్మాతగా ఆచార్య పనులను చక్కబెడుతున్నారు. అయితే ఆచార్య సినిమాలో ఓ యువకుడి పాత్రను రాంచరణ్ పోషించాలనే నిర్ణయాన్ని చిరంజీవి తీసుకొన్నారు. అయితే ఆ పాత్రలో చెర్రీ కనిపించడం అసాధ్యంగా కనిపిస్తున్నది.

RRR మూవీ లేట్ కావడంతో

ఆచార్య సినిమా మొదలుపెట్టినప్పుడు RRR మూవీ‌లో రాంచరణ్ పాత్రకు సంబంధించిన సన్నివేశాల చిత్రకరణ పూర్తవుతుందని భావించారు. అయితే లాక్‌డౌన్ కారణంగా ఆ సినిమా షూట్ కూడా నిరవధికంగా వాయిదా పడింది. దాంతో ఆచార్యకు సంబంధించిన పాత్రను పోషించడానికి రాంచరణ్ గెటప్ ఓ ఇబ్బందిగా మారింది. దాంతో ఆచార్య సినిమాను వదులుకోవడానికి సిద్ధపడినట్టు తెలుస్తున్నది.

ఆచార్య కంటే RRR కే ప్రాధాన్యం

అయితే రాంచరణ్‌కు ప్రస్తుతం తండ్రి చిరంజీవి సినిమా కంటే RRR మూవీ ప్రయారిటీగా మారింది. రాంచరణ్‌ RRR సినిమా పూర్తి చేసేంత వరకు వెయిట్ చేయడమనేది చిరంజీవి తీసుకోవాల్సిన నిర్ణయం. లేదా రాంచరణ్‌కు బదులు వేరే నటుడిని పెట్టుకొట్టుకొని ఆచార్యను పూర్తి చేయాలా అనేది మెగాస్టార్ తేల్చుకోవాలి? అని యూనిట్‌కు చెందిన ఒకరు వ్యాఖ్యలు చేశారు.

Recommended Video

Ram Charan & Upasana Celebrates 5 Years Of Wedding

కొరటాల, చిరు కోర్టులో బంతి

రాంచరణ్ నటించే విషయం ఇప్పుడు ఆచార్య చిత్రయూనిట్‌లో చర్చనీయాంశమైంది. త్వరలోనే ఈ విషయంపై దర్శకుడు కొరటాల శివ, చిరంజీవి ఓ కీలకమైన నిర్ణయాన్ని తీసుకోవడానికి సిద్ధమవుతున్నారు. అయితే వేరే నటుడితో షూటింగ్ పూర్తి చేస్తారా? లేక రాంచరణ్ కోసం వెయిట్ చేస్తారా అనేది కాలమే సమాధానం చెబుతుందని సినీ వర్గాలు అభిప్రాయపడుతున్నారు.