Don't Miss!
- Sports SRH vs RCB ఉప్పల్ మ్యాచ్కు భారీ అడ్డంకి..!
- News Gannavaram: ఒకే రోజు వంశీ, యార్లగడ్డ నామినేషన్- ఇద్దరికీ షాక్..?
- Lifestyle నిమ్మరసంతో ఇన్ని ప్రయోజనాలాా..? కిడ్నీలో రాళ్లు కూడా మాయం, ఇంకా ఎన్నో..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
ఇబ్బంది పెట్టిన యాంకర్.. షో రికార్డింగ్ మధ్యలోనే వదిలేసి చిరు వాకౌట్.. ఏమైందంటే?
మెగాస్టార్ చిరంజీవి ఇటీవల ఆచార్య సినిమాతో తెలుగు ప్రేక్షకులను అలరించిన సంగతి తెలిసిందే. ఎన్నో అంచనాలతో విడుదలైన ఈ సినిమా ఆ మేరకు ప్రేక్షకులను ఆకట్టుకోలేక పోయింది. ప్రస్తుతం వరుస సినిమాలతో బిజీ బిజీగా ఉన్న మెగాస్టార్ చిరంజీవి గురించి తాజాగా ఒక వార్త ఫిల్మ్ నగర్ వర్గాల్లో చక్కర్లు కొడుతోంది. ఆ వివరాల్లోకి వెళితే
భారీ అంచనాలు
మెగాస్టార్ చిరంజీవి హీరోగా కొరటాల శివ దర్శకత్వంలో ఆచార్య రూపొందింది. ఈ సినిమాలో రామ్ చరణ్ తేజ కీలక పాత్రలో నటించారు. సినిమా మొదలు పెట్టక ముందు అనుకున్న కథ కాకుండా సినిమా మొదలు పెట్టిన తరువాత తర్వాత కథ మార్చారని ప్రచారం జరిగింది. ఈ సినిమాలో మెగాస్టార్ చిరంజీవి సరసన కాజల్ అగర్వాల్ నటించింది కానీ ఆమె నటించిన అన్ని సీన్స్ కట్ చేశారు. ఇక ఈ సినిమాలో రామ్ చరణ్ సరసన పూజా హెగ్డే నటించింది. మొట్టమొదటిసారి రామ్ చరణ్ చిరంజీవి కలిసి చేస్తున్న పూర్తిస్థాయి సినిమా కావడంతో ఈ సినిమా మీద భారీ అంచనాలు ఏర్పడ్డాయి.
భోళా శంకర్ సినిమా షూటింగ్
కానీ ఆ అంచనాలు అందుకోవడంలో సినిమా విఫలమైంది. సినిమాకు మిశ్రమ స్పందన రావడంతో మెగాస్టార్ చిరంజీవి తాను ముందే ప్లాన్ చేసుకున్న వెకేషన్ కు వెళ్లిపోయారు. అలా వెళ్లిన ఆయన తన భార్య సురేఖ తో కలిసి సుమారు నెల రోజుల పాటు ఆయన విదేశాల్లో సమయం గడిపారు. ఈ మధ్యనే ఆయన తిరిగి హైదరాబాద్ చేరుకున్నారు. ఆయన మరి కొద్ది రోజులలోనే ఇప్పుడు మరో సినిమా షూటింగ్ లో పాల్గొన బోతున్నారు. చిరంజీవి హీరోగా నటిస్తున్న భోళా శంకర్ సినిమా షూటింగ్ జూన్ 21వ తేదీ నుంచి హైదరాబాద్ లో ప్రారంభం కాబోతోంది.
షో నుంచి వాకౌట్
తాజాగా జరుగుతున్న ప్రచారం మేరకు మెగాస్టార్ చిరంజీవి ఒక షోకి చీఫ్ గెస్ట్ గా వెళ్లారని తెలుస్తోంది. షూటింగ్ జరుగుతున్న సమయంలో షో కి యాంకర్ గా వ్యవహరిస్తున్న వ్యక్తి షో స్పాన్సర్ విషయంలో ఒక పేరు తప్పుగా పలికారని, దీంతో మెగాస్టార్ చిరంజీవిని మరోసారి రీటేక్ చేయమని కోరారని తెలుస్తోంది. అయితే ఈ విషయంలో కాస్త హర్ట్ అయిన మెగాస్టార్ చిరంజీవి వెంటనే షో నుంచి వాకౌట్ చేశారని ఫిలింనగర్ వర్గాల్లో ప్రచారం జరుగుతోంది.
వరుస సినిమాలు
అయితే ఆ షో ఏంటి అనే విషయం మీద ఇప్పటివరకు ఎలాంటి క్లారిటీ లభించలేదు. కానీ దాని పేరు గురించి కూడా రకరకాల ప్రచారాలు జరుగుతున్నాయి. అయితే అధికారికంగా ఈ వ్యవహారం మాత్రం బయటకు రాలేదు. మెగాస్టార్ చిరంజీవి చేతిలో ప్రస్తుతం వరుస సినిమాలు ఉన్నాయి. ఆయన హీరోగా మెహర్ రమేష్ దర్శకత్వంలో భోళా శంకర్, మోహన్ రాజా దర్శకత్వంలో గాడ్ ఫాదర్, బాబీ దర్శకత్వంలో వాల్తేరు వీరయ్య సినిమాలు ఉన్నాయి.
దానయ్య నిర్మాణంలో
అలాగే మరో పక్క వెంకీ కుడుముల దర్శకత్వంలో డి.వి.వి.దానయ్య నిర్మాణంలో కూడా ఆయన ఒక సినిమా చేస్తానని ప్రకటించారు. జూన్ 21వ తేదీ నుంచి భోళా శంకర్ షూటింగ్ ప్రారంభం అవుతున్నట్లు తెలుస్తోంది. ఇక ఈ షెడ్యూల్ షూటింగ్ లో సినిమా లో భాగమైన దాదాపు అందరూ కనిపిస్తారని తెలుస్తోంది.