ఇదో 'మెగా' కాపీ

By Staff

Published: Friday, March 13, 2026, 1:33 [IST]

ఈ మధ్య కాలంలో నటుడుగా నాగేంద్రబాబు పూర్తి స్ధాయి బిజీగా మారిన సంగతి తెలిసిందే. అయితే నిర్మితమవుతున్న చాలా చిత్రాల్లో ఎక్కువ శాతం లొ బడ్జెట్ చిత్రాలు కావటం,అవీ హాలీవుడ్ కాపీలు కావటం విశేషంగా చెప్పుకుంటున్నారు. ఆయన సర్కార్ పేరుతో చేస్తున్న సినిమా మనోజ్ నైట్ శ్యామలన్ మెగా హిట్ ఫిల్మ్ ది సిక్సె సెన్స్ కి కాపీగా వస్తోంది. ఈ లొ బడ్జెట్ సినిమాలో రమ్యకృష్ణ,సుహాసిని(జూనియర్) వంటి పాపులర్ హీరోయిన్స్ సైతం చేస్తున్నారు. ఇక ఇప్పుడు రెడీ అవుతున్న సాధు చిత్రం కూడా షూట్ దెమ్ అప్ (2007) అనే హాలీవుడ్ ఫిల్మ్ కి ఫ్రేమ్ టు ఫ్రేమ్ కాపీ అని తెలుస్తోంది.
కెమెరామెన్ నుండి డైరక్టర్ గా టర్న్ అయిన అంజిబాబు ఈ చిత్రాన్ని డైరక్ట్ చేస్తున్నారు. ఓ పసి పిల్ల చుట్టూ తిరిగే ఈ కథలో హీరోయిన్ అర్చన ఓ వేశ్యగా కనిపించనుంది. నాగబాబు వీరిద్దరకీ రక్షకుడుగా కనిపిస్తాడు. అలాగే ఈ చిత్రం స్టిల్స్ దగ్గరనుండీ షూట్ దెమ్ అప్ చిత్రాన్ని పోలి ఉండటం విశేషం. ఈ రెండూ కాక నాగబాబు హీరోగా మరో ఎనిమిది చిత్రాలు నిర్మాణంలో ఉన్నాయి. అవి కూడా చాలాభాగం ఎత్తిపోతల పథకం నుండి పుట్టినవే అని చెప్పుకుంటున్నారు. దాంతో పరిశ్రమ వర్గాలు ఇదో మెగా (పూర్తి స్ధాయి)కాపీ అని కామెంట్ చేస్తున్నారు.

More from Filmibeat