ఠాగూర్ సీక్వెల్ తో చిరు?

By Staff

Published: Thursday, June 4, 2009, 16:52 [IST]

చిరంజీవి, వి.వి.వినాయిక్ దర్శకత్వంలో వచ్చిన ఠాగూర్ సినిమా ఎంతటి విజయం సాధించిందే తెలిసిందే. ఇప్పుడు ఆ చిత్రానికి సీక్వెల్ రెడీ చేసే పనిలో వినాయిక్ ఉన్నట్లు ఫిల్మ్ సర్కిల్స్ లో వినపడుతోంది. చిరంజీవికి అత్యంత ఇష్టమైన ఆ పాత్రతో మరో సారి ప్రజల్లోకి వెళ్లాలని అల్లు అరవింద్ నిర్ణయించాడని చెప్తున్నారు. అప్పటికీ రాజకీయ సభల్లో చిరంజీవి ఠాగూర్ లా అవినీతిని అంతం చేయాలని పిలుపు నిచ్చారని, కాబట్టి ఆ పాత్రనే ఎక్సెటెండ్ చేస్తే ప్రస్తుత సీక్వెల్ ట్రెండ్ కీ తగినట్లు ఉంటుందని అంతా అంటున్నారు.

అలాగే ఈ చిత్రానికి పరుచూరి వారినే స్క్రిప్టుకు పురమాయించే ఆలోచనలో ఉన్నారు. అయితే ప్రస్తుతం చిరంజీవి ఉన్న పొలిటికల్ పొజిషన్ ని దృష్టిలో పెట్టుకుని ఎటువంటి కాంట్రావర్సిలు లేకుండా కథ, కథనాలు తయారు చేస్తే మేలని చిరు సూచించినట్లు చెప్తున్నారు. అయితే ఇక ఈ చిత్రం గీతా ఆర్ట్స్ పై చేస్తారా లేక అంజనా ప్రొడక్షన్స్ పై చేస్తారా అన్నది తేలాల్సి ఉంది. ప్రస్తుతం వినాయిక్..ఎన్టీఆర్ హీరోగా అదుర్స్ చిత్రం చేస్తున్నారు. అందులో ఎన్టీఆర్ ద్విపాత్రాభినయం చేస్తున్నారు. పూర్తి స్ధాయి కామెడీగా ఈ చిత్రం రూపొందుతోంది.

More from Filmibeat