Nagarjuna: ప్రేమించి పెళ్లి చేసుకున్నా... నాగార్జున అమల మధ్య ఆ విషయంలో ఎప్పుడూ గొడవే!

టాలీవుడ్‌ మోస్ట్ బ్యూటిఫుల్‌ కపుల్స్ అనగానే చాలా మందికి మొదటగా గుర్తొచ్చేది నాగార్జున - అమలనే. ఈ జోడీకి తెలుగు చిత్రసీమలో ప్రత్యేక స్థానం ఉంది. ఎందుకంటే ఈ జంట మేడ్ ఫర్ ఈచ్ అదర్. ఎంతో అన్యోన్యంగా కలిసి ఉంటారు. తమ చర్యలతో ఎంతో మందికి ఆదర్శంగా కూడా నిలిచారు. అయితే ఇంత ప్రేమగా ఉండే వీరిద్దరి మధ్య ఓ విషయంలో మాత్రం అండార్స్టాండింగ్ సరిగ్గా లేదట. పెళ్లై ఇన్నేళ్లైనా అదొక్కటి మాత్రం అలానే ఉండిపోయిందట. అదేంటో తెలుసుకుందాం...

సీనియర్ న‌టుడు అక్కినేని నాగేశ్వర‌రావు న‌ట వారసుడిగా తెలుగు ఇండ‌స్ట్రీలో అడుగు పెట్టారు నాగార్జున. ఎన్నో హిట్​ సినిమాల్లో తన అద్భుతమైన నటనతో తండ్రి తగ్గ తనయుడిగా గుర్తింపు తెచ్చుకున్నారు. ఇన్నేళ్ల సినీ కెరీర్​లో త‌న‌కంటూ స్పెష‌ల్ ఇమేజ్​ను క్రియేట్ చేసుకుని ప్రస్తుతం అగ్ర కథానాయకుడిగా రాణిస్తున్నారు.

నాగ్​ వ్య‌క్తిగ‌త జీవితం విష‌యానికి వ‌స్తే ఈయ‌న మొదట 1984లో ద‌గ్గుబాటి వెంక‌టేశ్​ సోద‌రి ల‌క్ష్మీని పెళ్లి చేసుకున్నారు. అయితే నాగ చైత‌న్య జ‌న్మించిన త‌ర్వాత ఈ దంప‌తులు ప‌లు కార‌ణాల వ‌ల్ల డివొర్స్ తీసుకున్నారు. ఆ తర్వాత 1992లో అమలను రెండో పెళ్లి చేసుకున్నారు నాగ్.

అయితే నాగార్జున అమల పెళ్లి చేసుకోకముందు ఇద్దరు కలిసి పలు చిత్రాల్లో నటించారు. మొదటగా డి.రామానాయుడు నిర్మించిన చినబాబు చిత్రంతో అమల టాలీవుడ్‌కు పరిచయమైంది. ఆ సినిమాలోనే నాగార్జునతో కలిసి నటించింది. అనంతరం శివ, ప్రేమ యుద్ధం, హిందీలో రీమేక్ చేసిన శివ, నిర్ణయం చిత్రాల్లో నటించారు. ఈ క్రమంలోనే వీరి మధ్య ప్రేమ చిగురించింది. దీంతో ఇద్దరు పెళ్లి చేసుకున్నారు. ఇక పెళ్లి చేసుకున్న తర్వాత అమల సినిమాలకు దూరమైంది. చాలా కాలం తర్వాత 2012లో లైఫ్‌ ఈజ్‌ బ్యూటీఫుల్‌ అనే చిత్రంలో నటించింది. ఆ మధ్య ఒకే ఒక జీవితం సినిమాలోనూ మెరిసింది.

అయితే నాగ్ - అమల జంట ఎంతో అన్యోన్యంగా ఉంటుందన్న సంగతి తెలిసిందే. కానీ ఓ విషయంలో మాత్రం అండర్స్టాండింగ్ ఉండదట. అదేంటంటే నాగ్​ డబ్బులు ఎక్కువ ఖర్చుపెడతారని టాలీవుడ్ వర్గాల్లో చర్చ నడుస్తూ ఉంటుంది. ఈ విషయంలో అమల మాత్రం చాలా స్ట్రిక్ట్​గా ఉంటుందని అందులో రాసి ఉంది. అందుకే ఈ డబ్బు ఖర్చు పెట్టే విషయంలో ఇద్దరి మధ్య చిన్న చిన్న మాములు గొడవలు జరుగుతాయట.

ఏ వ్యాపారంలో పెట్టుబడి పెట్టాలి, ఎంత పెట్టాలి అని నాగ్​ డెసిషన్ తీసుకుని చేస్తుంటే, ఉన్న బిజినెస్​లు చాలు అని కూడా అమల అంటూ ఉంటుందట. అలా ఈ ఒక్క విషయంలో ఇద్దరి మధ్య సరిగ్గా అండర్స్టాండింగ్​ ఉండదని కథనాలు వస్తున్నాయి. మరి ఈ వార్తల్లో ఎంతనిజం ఉందో తెలియదు కానీ..ఈ విషయం మాత్రం సోషల్ మీడియాలో హాట్ టాపిక్ గా మారింది. ప్రస్తుతం నాగార్జున శేఖర్ కమ్ముల దర్శకత్వంలో ధనుష్ తో మల్టీ స్టారర్ సినిమా చేస్తున్నాడు. ఇది వచ్చే సంక్రాంతికి రిలీజ్ కానుంది.