హోమ్

గాసిప్స్

తమళనాట సంచలన విజయం సాధించిన 'అసురన్' సినిమాను తెలుగులో రీమేక్ చేయబోతున్న సంగతి తెలిసిందే. ఈ రీమేక్ హక్కులను సురేష్ ప్రొడక్షన్స్ అధినేత దగ్గుబాటి సురేష్ బాబు దక్కించుకున్నారు. ఆయన నిర్మాణంలోనే రూపొందనున్న ఈ సినిమాలో విక్టరీ వెంకటేష్ హీరోగా నటించనున్నాడు.

ఈ సినిమాకు శ్రీకాంత్ అడ్డాల దర్శకత్వం వహించనున్నాడు. ప్రస్తుతం చిత్రానికి సంబంధించిన ప్రీ ప్రొడక్షన్ పనులు చకచకా జరుగుతున్నాయి. అయితే తాజా సమాచారం మేరకు ఈ చిత్ర రెగ్యులర్ షూట్ జనవరి 20 నుంచి మొదలు కానుందని తెలుస్తోంది. గ్రామీణ నేపథ్యంలో ఈ సినిమా తెరకెక్కనుందని, ఈ మేరకు అందుకు తగ్గ లొకేషన్స్ వేటలో చితయూనిట్ పడిందని తెలుస్తోంది.

ఈ మేరకు తొలి షెడ్యూల్ అనంతపురంలో షూట్ ఛేష్యాలని భావిస్తున్నారట. ఆ వెంటనే హైద‌రాబాద్ లోనూ కొంత‌మేర షూటింగ్ జరుపనున్నారని సమాచారం. ఈ నేపథ్యంలో ఇప్ప‌టికే హైదరాబాద్ లొకేష‌న్లు కూడా ఫైనల్ చేశారట. శరవేగంగా షూటింగ్ ఫినిష్ చేసి ఈ ఏడాది వేస‌విలో ఈ సినిమాను ప్రేక్షకుల ముందుకు తేవాలనేది ప్లాన్ అన్నట్లుగా విశ్వసనీయ వర్గాల సమాచారం.

ఇక ఈ సినిమాలో వెంకటేష్ జోడీగా ప్రియ‌మ‌ణి న‌టించ‌నుండటం విశేషం. ఇతర తారాగణం వివరాలు త్వరలోనే ప్రకటించనున్నారట. చిత్రానికి మ‌ణిశ‌ర్మ సంగీతం అందించనున్నారు. వెంకీమామ విజయాన్ని ఎంజాయ్ చేస్తున్న వెంకటేష్.. అదే జోష్‌లో 'అసురన్' రీమేక్ సినిమా సెట్స్ పైకి వెళ్లనున్నారు.