Click it and Unblock the Notifications
మోహన్ బాబుకి మామగా దాసరి
కథ ప్రకారం మోహన్ బాబు వయస్సులో ఉన్నప్పుడు రవీనా టాండన్ ని ప్రేమిస్తాడు. అయితే రవీనా తండ్రి ఇంత డబ్బు సంపాదిస్తేనే నా కూతురుని ఇచ్చి చేస్తానని కండీషన్ పెడతాడు. ఆ తండ్రి పాత్రే దాసరి వేస్తున్నట్లు సమాచారం. అప్పుడు మోహన్ బాబు ఆ పని చేయలేకపోతాడు. తర్వాత చాలా ఏళ్లు తర్వాత తమ తండ్రి లవ్ స్టోరీ తెలుసుకున్న పిల్లలు... ఆ లవ్ స్టోరీని ఎలా సక్సెస్ చేసారనే దిసగా కథనం నడుస్తుంది.
ఈ చిత్రంలో వరుణ్ సందేశ్, తనీష్లు కూడా నటిస్తున్నారు. రవీనాటాండన్, హన్సిక, ప్రణీత హీరోయిన్స్. శ్రీవాస్ దర్శకత్వం వహిస్తున్నారు. ఈ చిత్రంలో దాసరి ఓ ముఖ్య పాత్రలో కనిపిస్తారని సమాచారం. దాసరి- మోహన్బాబుల మధ్య గురుశిష్యుల సంబంధం ఉంది. ఆ అనుబంధంతోనే దాసరి ఈ సినిమాలో నటించడానికి ఒప్పుకొన్నారని తెలిసింది. వచ్చే నెలలో దాసరి, ఇతర ప్రధాన తారాగణంపై సన్నివేశాలను తెరకెక్కిస్తారు.
ఈ చిత్రాన్ని 24 ఫ్రేమ్స్ సంస్థ నిర్మిస్తోంది. ఇక ఈ చిత్రం గోల్ మాల్ 3 కి రీమేక్ అని తెలుస్తోంది. హన్సిక ఈ విషయమై ఆ మధ్య ట్వీట్ చేసింది. బాలీవుడ్లో సంచలన విజయం నమోదు చేసిన గోల్ మాల్ 3 ఇప్పుడు తెలుగులో మంచు ఫ్యామిలీతో తెరకెక్కుతోందని సమాచారం. రోహిత్ శెట్టి దర్సకత్వంలో రూపొందిన ఆ చిత్రం అక్కడ సంచలన విజయం సాధించింది.
అవుట్ అండ్ అవుట్ ఎంటర్టైన్మెంట్ తో రూపొందిన ఈ చిత్రంలో అజయ్ దేవగన్, అర్షద్ వార్సీ, తుషార్ కపూర్ హీరోలుగా చేసారు. కరీనా కపూర్ హీరోయిన్ గా చేసింది. మోహన్ బాబుకు జోడీగా బాలీవుడ్ నటి రవీనా టండన్ నటిస్తోంది. ఈ చిత్రానికి శ్రీవాస్ దర్శకత్వం వహిస్తున్నారు. మంచు విష్ణు, మనోజ్ సంయుక్తంగా ఈచిత్రాన్ని నిర్మిస్తున్నారు. గోపీమోహన్, కోన వెంకట్, బివిఎస్ రవి స్క్రిప్టు అందిస్తున్నారు. ఎంఎం కీరవాణి, బప్పీ లహరి, ఆచ్చు, బాబా సెహగల్ ఈ చిత్రానికి సంగీతం అందిస్తున్నారు.
Continue with Google