హోమ్

గాసిప్స్

ప్రేమలో ఉండగా బాలీవుడ్ తారలు రణ్ వీర్ సింగ్, దీపికా పదుకోన్ కలిసి హిందీ పరిశ్రమను ఊపేశారు. వారిద్దరి కాంబినేషన్, కెమిస్ట్రీ తెర మీద క్రేజీగా మారింది. రామ్ లీలా, బాజీరావు మస్తానీ, పద్మావతి చిత్రాల్లో ఈ జంట అద్భుతంగా ఆకట్టుకొన్నది. అయితే ఇటీవల వారిద్దరూ పెళ్లి చేసుకొన్న సంగతి తెలిసిందే. అయితే వీరిద్దరూ కలిసి నటిస్తే చూద్దామనుకొన్న అభిమానులకు సడెన్ షాక్ ఇచ్చారు.

తాజాగా రణ్‌వీర్, దీపికా కలిసి 83 అనే క్రికెట్ నేపథ్యంగా సాగే చిత్రంలో నటిస్తున్నారు. 1983 ప్రపంచకప్ నేపథ్యంగా ఈ సినిమా సాగుతుంది. ఈ చిత్రంలో కపిల్ దేవ్‌గా రణ్‌వీర్ సింగ్ కనిపించబోతున్నాడు. కపిల్ దేవ్ సతీమణి భార్య పాత్రను దీపికా పదుకోన్ పోషించనున్నారు.

వాస్తవానికి దీపిక ఈ చిత్రంలో నటించడానికి ఆసక్తి చూపలేదట. కానీ కథ విన్న తర్వాత తన పాత్ర ప్రాధాన్యత తెలుసుకొన్న తర్వాత ఒకే చెప్పారట. అంతేకాకుండా నిర్మాతలు భారీగా రెమ్యునరేషన్ ఆఫర్ చేయడంతో వెంటనే ఒప్పుకొన్నారట. ఈ సినిమాలో నటించినందుకు దీపిక పదుకోన్‌కు రూ.14 కోట్ల రెమ్యునరేషన్ ఇవ్వనున్నట్టు సమాచారం. ఈ రేంజ్‌ రెమ్యూనరేషన్ బాలీవుడ్‌లో ఎవరైనా తీసుకొన్నారా? అంటే కొంత డౌట్ పడాల్సిందే.