ఆరెంజ్ రీమేక్ హక్కుల కోసం అప్పుడే ఆ హిందీ హీరో

రామ్ చరణ్, బొమ్మరిల్లు భాస్కర్ దర్సకత్వంలో రూపొందిన ఆరెంజ్ చిత్రం విడుదల కాకముందే క్రేజ్ సృష్టిస్తోంది. ఈ చిత్రం రీమేక్ రైట్స్ కోసం హిందీ నటుడు షాహిద్ కపూర్..తండ్రి పంకజ్ కపూర్..గీతా ఆర్ట్స్ వారిని సంప్రదించినట్లు తాజా సమాచారం. ఈ మేరకు వారు గజనీ హిందిలో నిర్మించిన మధు మంతెనని సంప్రదిస్తే అల్లు అరవింద్ ని కలిపారని తెలుస్తోంది. ఇక ఈ చిత్రం ఈ నెల 19 న విడుదల చేయటానికి సన్నాహాలు చేస్తున్నారు.అంజనా ప్రొడక్షన్ బ్యానర్ లో నాగబాబు నిర్మిస్తున్నఈ చిత్రం 'ఆరంజ్" టాగ్ లైన్ 'ఓ రేంజ్ లవ్ స్టోరి" కాస్తా 'లవ్ ఇన్ ఫాల్" గా మారింది. ఈ చిత్రంలో రామ్ చరణ్ హీరోగా, జెనీలియా హీరోయిన్స్ గా నటిస్తున్నారు. మరో హీరోయిన్ గా షాజన్ పదమ్ సీ నటిస్తోంది.