ఛార్మికి దేవీశ్రీ ట్విస్ట్?

ఛార్మి నటిస్తున్న ఓ సినిమాకు దేవిశ్రీనే ట్విస్ట్ ఇచ్చి ఆడియో రిలీజ్ కు అడ్డం పడ్డారని సమాచారం. అయితే అది అతను న్యాయంగానే చేసాడని..ఆ నిర్మాతలు మొదట ఒప్పుకున్న ఎమౌంట్ క్లియర్ చేయకపోవటం వల్లే ఈ సమస్య వచ్చిందని తెలుస్తోంది. అయితే ఈ విషయంలో ఛార్మి తాను కల్పించుకోనని నిర్మాతలకు చెప్పిందని అంటున్నారు. ఛార్మి అసలు ఆ సినిమా ఏక్సెప్టు చేయటానికి కారణమే దేవీశ్రి సంగీత దర్సకుడు అని, అయితే నిర్మాతలకు ఫైనాన్స్ సమస్య రావటమే ఈ కొత్త తలనొప్పులుకు కారణం అని చెప్తున్నారు. అయితే ఛార్మి సినిమాలు వరసగా ఫెయిల్యూర్ అవటంతో ఫైనాన్స్ చేసే వాళ్ళు ముందుకు రావటం లేదని ఆ నిర్మాతలు సమస్యకు కారణం ఆమే అని తేలుస్తున్నారు.

ఇదంతా ఛార్మి హీరోయిన్ గా చేస్తున్న సయ్యాట చిత్రంలో జరుగుతోంది. అయితే ఆ సమస్యను క్లియర్ చేసి వచ్చే నెల మూడు నుంచి షూటింగ్ ప్రారంభించాలని ప్లాన్ చేస్తున్నారు. ఇక ఛార్మికి, దేవిశ్రీ ప్రసాద్ కి మధ్య ప్రేమ వ్యవహారం నడుస్తోందంటూ మీడియా ఆ మధ్య కోడై కూసింది. అయితే పనిలో పనిగా వాళ్ళిద్దరూ ఖండించారు కూడా. అలాగే ఛార్మి నటిస్తున్న సై ఆట సినిమాలో కూడా దేవి నటిస్తున్నాడంటూ వార్తలు వచ్చాయి..అయితే అది నిజం కాదు అతను సంగీతం అందిస్తున్నాడు అంతే అని క్లారిఫై చేసారు. ఏదైతేనేం చివరకు ఛార్మి సినిమానే లేటవుతుందనే వార్తలు వస్తున్నాయి. దాంతో తాను అభిమానించే ఛార్మి ని ఇబ్బంది పెడుతున్నట్లు గ్రహించిన దేవీశ్రీ త్వరలోనే ఈ సమస్యకు పరిష్కారమిస్తాడంటున్నారు.