పూనం కౌర్ టార్గెట్ ఆ దర్శకుడేనా...? సీరియస్ కామెంట్స్!

Recommended Video

Poonam Kaur Sensational Comments In Twitters

న‌న్ను కూడా డైరెక్ట్ చేయాల‌ని చూశాడు

నటి పూనం కౌర్ పరిచయం అక్కర్లేని పేరు. తాజాగా ఈ హీరోయిన్ ట్విట్టర్ లో చేసిన కామెంట్స్ హాట్ టాపిక్ గా మారుతున్నాయి. టాలివుడ్ లో ఒక డైరెక్టర్ ను ఉద్దేశించి ఆమె చేసిన కామెంట్స్ సంచలనం సృష్టిస్తున్నాయి. ఇంతకు ఆమె ట్విట్టర్ లో ఏమన్నారంటే... `ప్ర‌స్తుతం ఇండ‌స్ట్రీలో ఉన్న ఓ డైరెక్ట‌ర్ సినిమాల‌ను మాత్ర‌మే కాకుండా మ‌నుషుల్ని కూడా డైరెక్ట్ చేస్తుంటాడు. న‌న్ను కూడా డైరెక్ట్ చేయాల‌ని చూశాడు'' అని పోస్ట్ చేసింది.

న‌న్ను కూడా మాయ చేయాల‌ని చూశాడు

నటి పూనం కౌర్ ఆ దర్శకుడిని ఉద్దేశించి మాట్లాడుతూ... ''న‌న్ను కూడా మాయ చేయాల‌ని చూశాడు. దాని గురించి నేను గ‌ట్టిగా అడిగే స‌రికి ఏమీ జ‌ర‌గ‌న‌ట్టు న‌టించాడు. త‌న‌కు సంబంధించిన అమ్మాయిలు మాత్రమే సినీ ప‌రిశ్ర‌మ‌లో ఉండాల‌ని అత‌ను కోరుకుంటాడు. అత‌డికి సంబంధించిన ఓ హీరోయిన్ ప్ర‌స్తుతం వ‌రుస ఫ్లాప్‌ల్లో ఉంది. అయినా ఆమెకు వ‌రుస అవ‌కాశాలు వ‌స్తూనే ఉన్నాయి. కార‌ణాలేంటో ఎవ‌రికీ తెలియ‌దు. ఏం జ‌ర‌గుతోందో అర్థం కావ‌డం లేదని పూనం కౌర్ ట్విట్టర్ లో తెలిపింది.

ఆ దర్శకుడు త్రివిక్రమేనా?

అసలు ఆ దర్శకుడు ఎవరు ? ఆ హీరోయిన్ ఎవరు అని సిని జనం జుట్టు పీక్కుంటున్నారు. తాజా సమాచారం మేరకు ఆమె దర్శకుడు త్రివిక్రమ్ ను ఉద్దేశించి ఆ కామెంట్స్ చేసిందని వార్తలు వినిపిస్తున్నాయి. గతంలో త్రివిక్రమ్ తీసిన ఓ సినిమాలో పూనం కౌర్ నటించాలి కాని ఆ సినిమాలో అవకాశం వచ్చినట్లే వచ్చి చేజారింది. త్రివిక్రమ్ తనకు నెక్స్ట్ సినిమా ఛాన్స్ ఇస్తానని చెప్పి ఎన్టీఆర్ సినిమాలో అవకాశం ఇవ్వలేదని పూనం కౌర్ ఆవేదనగా ఫిలింనగర్‌లో చెప్పుకుంటున్నారు.

పూనం కౌర్ ఏం చేస్తోందో

పూనం ఆ దర్శకుడి పేరును రివీల్‌ చేయాలని సినీ పరిశ్రమలో కొందరు డిమాండ్‌ చేస్తున్నారు. మరి పూనం ఏం చేస్తుందో చూడాలి. త్వరలో పూనం కౌర్ ఆ దర్శకుడి పేరుకు అధికారికంగా వెల్లడించే అవకాశాలు ఉన్నట్లు సమాచారం. చూద్దాం మరి పూనం కౌర్ భవిషత్తులో ఎంతటి సంచలనాలు సృష్టిస్తుందో చూడాలి.