మహర్షి చిత్రానికి కళ్ళు చెదిరే డీల్.. వరుసగా చరణ్, మహేష్, ఎన్టీఆర్!

25 కోట్లు డిమాండ్

మహర్షి చిత్ర హిందీ శాటిలైట్ హక్కుల కోసం దిల్ రాజు మొదట 25 కోట్ల భారీ మొత్తం డిమాండ్ చేసినట్లు టాలీవుడ్ లో వార్తలు వినిపించాయి. బాహుబలిని పక్కన పెడితే అప్పటికి రంగస్థలం చిత్రం 22 కోట్లతో రికార్డు సృష్టించింది. దీనితో తెలుగు సినిమాకు హిందీ మార్కెట్ లో ఉన్న క్రేజ్ దృష్టిలో పెట్టుకుని దిల్ రాజు 25 కోట్లు డిమాండ్ చేసినట్లు చెబుతున్నారు.

తెలుగు సినిమాకు

తెలుగు చిత్రాన్ని హిందీ లో డబ్ చేసి యూట్యూబ్ లోకి వదిలితే చాలు గంటల్లోనే మిలియన్ల కొద్దీ వ్యూస్ దూసుకొస్తున్నాయి. ఇటీవల హిందీ సంస్థల కన్ను తెలుగు సినిమాపై పడింది. ఎంత ధర వెచ్చించి అయినా శాటిలైట్ హక్కులు సొంతం చేసుకునేందుకు ఎగబడుతున్నారు.

కళ్ళు చేరిరే డీల్

దిల్ రాజు 25 కోట్లు డిమాండ్ చేసినప్పటికీ ఓ సంస్థ 20 కోట్లు వెచ్చించి మహర్షి చిత్ర హిందీ శాటిలైట్ హక్కులు సొంతం చేసుకునేందుకు ముందుకు వచ్చిందట. ఈ మేరకు దిల్ రాజు వారితో డీల్ కుదుర్చుకున్నట్లు చెబుతున్నారు.

వరుసగా మూడు చిత్రాలు

ఎన్టీఆర్ నటించిన అరవింద సమేత సూపర్ హిట్ గా నిలిచింది. ఈ చిత్ర హక్కులు 18 కోట్లకు అమ్ముడయ్యాయి. అరవింద సమేత 18 కోట్ల వద్దే ఆగిపోవడంతో దిల్ రాజు 20 కోట్ల డీల్ కు అంగీకారం తెలిపాడట. హిందీ శాటిలైట్ హక్కుల విషయంలో రంగస్థలం, మహర్షి, అరవింద సమేత చిత్రాలు వరుసగా తొలి మూడు స్థానాల్లో నిలిచాయి.