దిల్ రాజు ఇక ప్రజా రాజ్యంలో?

By Staff

Published: Thursday, December 11, 2008, 9:58 [IST]

సక్సెస్ ఫుల్ నిర్మాతగా పేరు తెచ్చుకున్న దిల్ రాజు ప్రజారాజ్యం పార్టీలో చేరనున్నారని విశ్వసనీయంగా తెలుస్తోంది. అలాగే ఆయనకు నిజామాబాద్ నుండి పోటీచేయటానికి ఎమ్.ఎల్.ఎ టిక్కెట్ కూడా ఇవ్వబోతున్నారని సమాచారం. అయితే అధికారికంగా ఇంకా ఏ నిర్ణయం పార్టీ తీసుకోలేదు. దిల్ రాజు తో మాత్రమ చర్చలు గత కొద్ది రోజులుగా విడతలు విడతలుగా జరిగాయని మాత్రం తెలుస్తోంది. అంతేగాక పవన్ కళ్యాణ్ ఒక రోజు పార్టీ ప్రచారం కోసం ఆయన పోటీ చేసే ప్రాంతాల్లో తిరిగి ప్రచారం చేస్తానని హామీ కూడా ఇచ్చారని చెప్తున్నారు.

ఇక సినీ పరిశ్రమలో వరస హిట్స్ తో తన హవా కొనసాగిస్తున్న దిల్ రాజు ఇలా ప్రజారాజ్యం పార్టీలో చేరటాన్ని చాలా మంది సినీ ప్రముఖులను ఆలోచనలో పడేస్తోంది. కొందరైతే పరిశ్రమలో పూర్తి స్ధాయిలో నిలదొక్కుకుంటున్న ఈ సమయంలో ఆయన రాజకీయాల్లోకి రావటం మరో సారి ఆలోచించాల్సిన పరిణామం అని కామెంట్స్ చేస్తున్నారు.అయితే ప్రతీ విషయంలోనూ పక్కా ప్లానింగ్ తో వెళ్ళే దిల్ రాజు ఈ విషయంలోనూ ఆచితూచే అడుగు వేసే ఉంటాడనేది నిజం. అయితే ఒక్కసారిగా ఏడు సినిమాలు నిర్మిస్తున్న ఆయన వాటిపై కాన్సర్టేట్ చేయటం కొద్దిగా ఇబ్బంది అవుతుందేమో అనేది మాత్రం ఆలోచించాల్సిన అంశం.

More from Filmibeat