బాలయ్యకు హ్యాండిచ్చిన బోయపాటి - అల్లు అరవింద్.. పాన్ ఇండియా హీరోను పట్టేశారుగా!

ఇండస్ట్రీలో కొన్ని కాంబోలు ఎప్పటికీ ప్రత్యేకమే. అందులో బాలకృష్ణ - బోయపాటి నెం.1. ఈ ఇద్దరు కలిశారంటే బాక్సాఫీస్​కు పూనకాలే. ఓవైపు ప్రేక్షకులు థియేటర్లకు క్యూ కడుతూ ఉంటారు.. మరోవైపు వసూళ్లేమో గలగల పారుతుంటాయి. అప్పుడెప్పుడో వచ్చిన సింహా, లెజండ్ నుంచి అఖండ వరకు రిలీజైన చిత్రాలే దీనికి నిదర్శనం. అయితే ఈ సారి బాలయ్యకు హ్యాండ్​ ఇచ్చాడు బోయపాటి! నెక్ట్స్​ అఖండ 2 చేస్తాడని ఇండస్ట్రీ అంతా కోడై కూస్తే, అభిమానులు భారీ ఆశలు పెట్టుకుంటే ఓ పాన్ ఇండియా హీరోను లైన్​లో పెట్టేందుకు రెడీ అయిపోయాడు. దాని గురించి ఈ కథనం..

తెలుగు చిత్రసీమలో ప్రస్తుత తరం పక్కా మాస్ అండ్ యాక్షన్ డైరెక్టర్ అంటే ముందుగా గుర్తొచ్చే పేరు బోయపాటి శ్రీను. ఆయన తెరకెక్కించిన ప్రతి చిత్రంలోనూ యాక్షన్ ఎపిసోడ్స్​కు ప్రత్యేకమైన ఫ్యాన్ బేస్ ఉంటుంది. ఆడియెన్స్​లో అవి కొన్ని సార్లు భారీ షాక్​ను కూడా క్రియేట్ చేస్తుంటాయి.

బోయపాటి శ్రీను ఎన్నిచిత్రాలను తెరకెక్కించినా, నటసింహం నందమూరి బాలకృష్ణతో చేసిన చిత్రాలు ఆయన్ను మరింత ప్రత్యేకంగా నిలిపాయి. అయితే ఆయన చివరిగా రామ్​ పోతినేనితో స్కంద సినిమా చేసి బాక్సాఫీస్ వద్ద మంచి హిట్ అందుకున్నారు. ప్రస్తుతం తన కొత్త సినిమా కోసం రెడీ అవుతున్నారు. అయితే ఆయన తన తర్వాతి సినిమాను సూర్య, అల్లు అర్జున్​తో చేస్తారని మొదట ప్రచారం సాగింది. కానీ వారిద్దరూ ప్రస్తుతానికి బిజీగా ఉండడంతో వారిని పక్కనపెట్టారట.

అయితే ఆ తర్వాత రీసెంట్​గా ఆయన అల్లు అరవింద్​ గీతా ఆర్ట్స్​ బ్యానర్​లో ఓ సినిమా చేయనున్నట్లు అఫీషియల్​గా అనౌన్స్ చేశారు. కానీ సినిమా వివరాలేమీ తెలుపలేదు. దీంతో హీరో ఎవరై ఉంటారా అని అందరూ ఆసక్తిగా ఎదురుచూశారు. ఈ క్రమంలోనే అఖండ 2 కోసం వీరిద్దరూ చేతులు కలిపారని జోరుగా ప్రచారం సాగింది. అల్లు అర్జున్, సూర్య పేర్లు వచ్చినప్పుడు కూడా పెద్దగా పట్టించుకోని ప్రేక్షకులు అఖండ 2 పేరు బయటకు రాగానే భారీగానే ఆశలు పెట్టుకున్నారు. ఇక బాలయ్య బోయపాటి నెక్ట్స్ సినిమా అఖండ 2 అని ఫిక్స్ అయిపోయారు.

కానీ అనూహ్యంగా ఇప్పుడది కాదని కొత్త ప్రచారం మొదలైంది. గీతా ఆర్ట్స్​ బ్యానర్​లో రౌడీ హీరో విజయ్​ దేవరకొండతో సినిమా చేయబోతున్నారని టాక్ వస్తోంది. విజయ్​కు కథ చెప్పేందుకు బోయపాటి సిద్ధం అయ్యారట. ఒకవేళ ఇది కనుక కన్ఫామ్ అయితే ఊహించని మరో కొత్త కాంబో సెట్ అయినట్టే. ఎందుకంటే దేవరకొండ బోల్డ్​ అండ్ క్లాస్ హీరో. బోయపాటి ఏమో మాస్ డైరెక్టర్​. కాబట్టి వీరిద్దరి కాంబినేషన్​ కొత్తగా ఉంటది. చూడాలి మరి ఈ కాంబో సెట్ అయితదో లేదో.

ఇకపోతే విజయ్​ దేవరకొండ త్వరలోనే ఫ్యామిలీ స్టార్ సినిమాతో ప్రేక్షకుల ముందుకు రానున్నారు. గతంలో ఆయన గీతా ఆర్ట్స్ బ్యానర్​లో గీతా గోవిందం చేశారు.